Legenda Incurtzaduras | Legenda Sìmbulos

apuntínu , avb Definitzione bene, cun precisione manna Sinònimos e contràrios aprobu, benene Maneras de nàrrere csn: fàghere sas cosas a. = bene cun bene, bene meda, totu e cun pretzisione manna; andhare a. (nadu de una cosa) = istare o rúere bene meda a ccn., èssere própiu addata Frases su chi ses nendhe est giustu: arrejonas totugantu apuntinu ◊ tue leghes sos versos apuntinu ◊ totu si averesit apuntinu cantu narzesit su mastru ◊ cheret ammanitzare cosas meda e totu apuntinu Ètimu itl. appuntino Tradutziones Frantzesu parfaitement, minutieusement Ingresu perfectly, in minute detail Ispagnolu perfectamente, minuciosamente Italianu perfettaménte, minuziosaménte Tedescu perfekt, peinlich genau.

forrogósu , agt Definitzione chi faet is cosas a puntinu, chi cricat forrogos; chi istat a su crica crica Sinònimos e contràrios ischitetu, linghizosu, mimincheri / corroveri Terminologia iscientìfica ntl. Ètimu srd. Tradutziones Frantzesu méticuleux Ingresu meticulous Ispagnolu meticuloso Italianu meticolóso Tedescu penibel, peinlich genau.

iscascedhàe, iscascedhài , vrb: iscassedhai, iscassedhare, iscassidhare, iscassellare, scascedhai Definitzione mòvere, essire de su giustu (nau fintzes de cumportamentu), no àere manu firma faendho una cosa, fàere unu movimentu pagu precisu, illascinare (e si narat fintzes de sa cosa chi si manígiat), fartare; fintzes betare de cuadhu Sinònimos e contràrios allescinai, iscassedhire, mòere / millire Frases fui seghendi a lepa, mi at iscassedhau sa manu e mi seu ingortu ◊ mi at iscassedhau sa manu: mi ndi apu ghetau tropu, de binu! ◊ pudendi in bíngia, si bit ca mi at iscassedhau sa manu e babbu si ndi est acatau ◊ nanca benias a is otu e funt is otu e mesu: iscassedhada s'ora ti est?! ◊ mi est iscassedhau s'ollu: immoi custa cosa est tropu cundia! 2. est iscassidhau in s'iscamedhadorju Ètimu srd. Tradutziones Frantzesu déconner, jeter, démonter Ingresu to be wrong, to throw Ispagnolu equivocarse, temblar, desmontar Italianu sgarrare, sbalzare Tedescu nicht genau sein, nicht genau gehen, werfen.

ispeltzificàre , vrb Definitzione distínghere e inditare cun precisione Sinònimos e contràrios dilindare, pertzisare Tradutziones Frantzesu spécifier Ingresu to specify Ispagnolu especificar Italianu specificare Tedescu genau angeben.

pertzisàre , vrb: precisai, pretzisare Definitzione nàrrere cun precisione Sinònimos e contràrios ispeltzificare Tradutziones Frantzesu préciser Ingresu to specify Ispagnolu precisar Italianu precisare Tedescu genau angeben.

pertzísu , agt, nm: precisu, pressisu, pretzisu Definitzione chi est giustu, distintu bene, fatu bene o comente depet èssere, fintzes necessàriu: nau de unu, chi faet is cosas a dovere, chi no dh'iscassedhat sa manu o su tempus; bisóngiu apretosu, dovere / est precisu (+ vrb), benit precisu chi… = tocat de…, cheret chi…, fortzadu benit a/de… Sinònimos e contràrios giustu / puntuale / apretosu, necessàriu / ttrs. pritzisu Frases tessendho contat is tramas cun precisione po dhi resèssere su contu precisu ◊ tue làssalos nàrrere, ca belle chi facas sas cosas giustas e precisas ant a tènnere ite nàrrere! ◊ depeus èssiri prus precisus po assimbillai a Deus! ◊ a mannu mi leaiat sa matessi timoria e sa matessi trémula, pretzisas, che a tandho! 2. ma ite fit su precisu chi teniat de fàchere su dotore? ◊ tocat a su Contzillu a fai su pretzisu, po custu dannu! 3. pro connòschere a unu est precisu mandhigare unu sacu de sale umpare ◊ candho si tenet su bentu est pretzisu bentulare! (F.I.Mannu)◊ dhu bis chi est acanta de proi: po cosa precisa meda est custa essida? ◊ mi benit precisu chi biva cun dolu ◊ ant betau su bandhu po avèrtere sa gente ca est cosa meda pertzisa 4. Ètimu itl., spn. preciso Tradutziones Frantzesu précis Ingresu precise Ispagnolu preciso Italianu preciso, specìfico Tedescu präzis, genau.

rigorósu , agt: rigurosu Definitzione chi faet o chi est fatu cun rigore, cun precisione manna, cun severidade Sinònimos e contràrios giustu, pertzisu Frases Gesugristu at fatu unu giaúngiu rigurosu de coranta diis ◊ su geunzu fit diai rigorosu chi no si podiat bíere mancu abba Tradutziones Frantzesu rigoureux Ingresu strict Ispagnolu riguroso Italianu rigoróso Tedescu streng, genau.

«« Torra a chircare