Legenda Incurtzaduras | Legenda Sìmbulos

afaltzadúra , nf Definitzione su essire in contràriu a s'àteru, a s'ispensada, essendho chi dhi ant giau su foedhu o fintzes essendho amigos, parentes o àteru, prima in bonas a tales chi s'àteru si podiat ibertare arrespetu, istima e agiudu Sinònimos e contràrios afaltzamentu, traitoria Ètimu srd. Tradutziones Frantzesu trahison Ingresu treason Ispagnolu traición Italianu tradiménto Tedescu Verrat.

traiciòne , nf: traiscione [tra-i-ci-o-ne, tra-i-sci-o-ne] traissione, traitzione, traitzioni Definitzione su portare ingannu a unu, su dhi fàere crèdere una cosa po un'àtera apostadamente po dh'ingannare, mescamente faendho finta de dhi bòllere bene, de dh'istimare, su afartzare sa fide; cosa fata a traitoria Sinònimos e contràrios traitoria, traichissone Maneras de nàrrere csn: fai una cosa a t. = a traitoria; giogai a unu de t. = leàrelu a traitoria, a ingannu Frases Giudas at fatu sa traissione ◊ no depeus portai traitzioni a is bècius nostrus! ◊ no mi giòghisti de traitzioni! ◊ candho si solet su coro mustrare tandho si faghet sa traissione! ◊ ti bolemu amai, delicau flori, ma traitzioni timu a mi portai! Ètimu spn. Tradutziones Frantzesu trahison Ingresu treason Ispagnolu traición Italianu tradiménto Tedescu Verrat.

traitoría , nf, nm: traitoriu Definitzione fata de traitores, su portare ingannu a unu, su dhi fàere crèdere una cosa po un'àtera apostadamente po dh'ingannare, mescamente faendho fintas de dhi bòllere bene, de dh'istimare Sinònimos e contràrios afaltzadura, irfídia, traicione / cdh. tradituria Maneras de nàrrere csn: portai t. a unu = zúghere sa traitoria a unu; fai una cosa a t. = a traitzioni Frases a issu dh'ant ochitu a traitoria sos paesanos suos etotu ◊ teniat bandhidos in domo e a traitoria los at béndhidos a sa zustíssia ◊ cussu est unu chi andhat cun traitoria ◊ sa traitoria est mala, dadebbei atentzione! ◊ dh’ant agghentzau a traitoria e che dh'ant furau Ètimu srd. Tradutziones Frantzesu trahison, infidélité Ingresu infidelity, treason Ispagnolu traición Italianu tradiménto, infedeltà Tedescu Verrat.

«« Torra a chircare