Legenda Incurtzaduras | Legenda Sìmbulos

súivile , nf, nm: súrbile, súrvile Definitzione ànima mala chi, si narat, passat a súrbiu che bentu e che suspit su sàmbene a is pipiedhos: in cobertantza, fémina mala; si narat fintzes de bentu malu, forte, a tragonaja (e in custu sensu est sèmpere nm.) Sinònimos e contràrios papàntule, suile, sultore, surbéntile, súrzile, tilioca Frases sas súrbiles essint a denote ◊ candho frúsciat su bentu paret súlvile mala (A.Dettori)◊ dúbbiu predosu, súrbile malinna, acràrati: ite cheres? (G.Piga)◊ frades caros, no siemus che súrviles malignas de sàmbene sididas! ◊ sas súrviles sas venas de su coro ti ant surzidu ◊ contr'a sa súrbile mala istant bizendhe sas mamas 2. sos súrbiles, ocannu, ant distrutu totu sas binzas 3. tia Pietrina che intreit che una súrvile, niedha che su titone a brigare su fizu Ètimu srd. Tradutziones Frantzesu vampire, spectre, monstre Ingresu vampire, ghost, monster Ispagnolu vampiro, espectro Italianu vampiro, spèttro, móstro Tedescu Vampir, Gespenst, Monster.

sultòre , nf, nm: surtora, surtore Definitzione (in –e finzes nm.) duos diferentes personàgios fatos a pentzamentu: unu chi iat a bènnere in su sonnu, s'àteru (fémina) chi che suspit su sàmbene a is pipiedhos; in cobertantza, aprofitadore mescamente giaendho dinare a préstidu Sinònimos e contràrios ammuntadore, carrigadore / súivile, surbéntile / aggangadore Frases dipínghere dia fea una sultore cun sos pilos ispartos pro dolore e sa persone a únchinu torrada (B.Mureddu) Terminologia iscientìfica fnt. Ètimu srd. Tradutziones Frantzesu lutin, vampire Ingresu elf, vampire Ispagnolu duende, vampiro Italianu follétto, vampiro Tedescu Kobold, Vampir.

surbéntile , nm Definitzione genia de personàgiu malu, ómine chi che suspit su sàmbene, famiu chi si che papat totu Sinònimos e contràrios súivile, sultore Tradutziones Frantzesu vampire Ingresu vampire Ispagnolu vampiro Italianu vampiro Tedescu Vampir.

«« Torra a chircare