Legenda Incurtzaduras | Legenda Sìmbulos

bardótu , agt, nm Definitzione aprofitadore chi papat chentza pagare; chie tirat is barcas a s'abba Sinònimos e contràrios brunzeri, ispiligamba, mangiafrancu Ètimu itl. bardotto Tradutziones Frantzesu pique-assiette, écornifleur, profiteur Ingresu scrounger Ispagnolu gorrón Italianu sbafatóre Tedescu Schmarotzer.

ispiligàmba , agt, nm: spilligamba Definitzione chi o chie aprofitat a face manna de is cosas angenas Sinònimos e contràrios brunzeri, imbolicosu, mangiafrancu, smurfidori, tramperi / mandronàciu Frases benint pro fàghere promissas istrambas a sa manera de sos ispiligambas (L.Ilieschi)◊ su babbu at àpidu sa fiza passizendhe cun d-unu ispiligamba ◊ si l'imbrocas in domo anzena cun sa banca aparitzada, s'ispiligamba ispilit fintzas sa conca de su mortu! Ètimu srd. Tradutziones Frantzesu escroqueur, trompeur Ingresu cadger, cheat Ispagnolu gorrón Italianu scroccóne, gabbamóndo Tedescu Schmarotzer.

mannàle , nm, agt: mannali, mannalli Definitzione porcu pesau a mannalitu, o de urra, pesau in domu po fàere provista: est sèmpere su paragone a disprétziu po cudhos chi papant chentza trebballare Sinònimos e contràrios ttrs. mannari Frases o compare Tatà, mih, cras manzanu ochidimus su mannale! ◊ cussos tichírrios chi s'intendhent depent èssere bochindhe mannale 2. ingrassaiat isse che mannale tenindhe a totu cantos avilidos, iscultzos e famidos ◊ àteros faghent vida de mannale e solu in sa bentre ant godimentu (D.Ena) Sambenados e Provèrbios smb: Mannale Ètimu ltn. manualis, -e Tradutziones Frantzesu porc, cochon Ingresu pig Ispagnolu cerdo Italianu maiàle domèstico, pòrco Tedescu Hausschwein, schmarotzerhaft, Schmarotzer.

parassíta , nm Definitzione vegetale o animale chi creschet o faet a gastos de un'àteru; fintzes cristianu chi campat apitzu de is àteros po mandronia o àteru pecu Tradutziones Frantzesu parasite Ingresu parasite Ispagnolu parásito Italianu parassita Tedescu Schmarotzer.

smurfidòri , agt, nm Definitzione chi o chie papat aprofitandho de sa cosa angena Sinònimos e contràrios bardotu, brunzeri, ispiligamba, mangiafrancu Tradutziones Frantzesu pique-assiette Ingresu cadger Ispagnolu gorrón Italianu sbafatóre Tedescu Schmarotzer.

«« Torra a chircare