poltisciòne , nf: portessione, pratessone, processioni, propessone, protessione, protzissione, prucessioni, prucissioni, prussitzione, prutessone, prutiscione, prutzessione, pultascione, pultescione, pultzessione, pultzissione Definitzione gente meda chi camminat totu impare in acumpangiamentu a ccn.; gente chi andhat a calecunu logu fintzes a unos a unos ma fintzes deasi a fine e a candho in medas etotu / bogare sa p. = fàere sa crufessone; bogare in p. = ingòllere (unu santu, a ccn.) faendho sa crufessone po issu Sinònimos e contràrios acumpagnamentu, brefessioni, crufassoni, prepessone / ttrs. prutzissioni Frases poltisciones de zente andhant a sa festa ◊ iant biu pantàsimas portendi screlitus in prucissioni (G.Manconi)◊ pro invocare s'abba faghiant sa protzissione peri sos sartos ◊ massajos e pastores ant fatu sa prutessone chin santu Sidori 2. a Cristos li poniant fatu a pultescione iscultendhe sa lutrina ◊ amus connotu sos emigrantes a portessione Ètimu itl. Tradutziones Frantzesu procession Ingresu procession Ispagnolu procesión Italianu processióne Tedescu Prozession.

porfesciòne , nf: brefessioni, prafassoni, professone, profiscione, prufassoni, prufessioni, prufessone, prufessoni, prufiscione Definitzione cambarada manna de gente chi camminat totu impare acumpangiandho unu santu o a ccn. àteru / andhare a prufessone, in professone = in medas, a filera Sinònimos e contràrios acumpagnamentu, crufassoni, poltiscione Frases cun su cadhu fia in sa profiscione ◊ cras si dent fàghere duas profisciones: una a su fonte, s'àtera a sa losa ◊ cun d-unu cadhu a nastros e campana in d-una festa fia in prufiscione ◊ a Bidhanoba fui andau po sa prufessioni de Corpus Domini ◊ semus andhaos a porfescione a santu Sarvadore 2. sos depidores mandhaiant in professone sas muzeres a si apunzare preghendhe de no che los bogare ◊ fatuvatu sa chirca beniat a profiscione ◊ sos zovanos sont a prufessones passizandhe Ètimu ctl. professó Tradutziones Frantzesu procession Ingresu procession Ispagnolu procesión Italianu processióne Tedescu Prozession.

«« Torra a chircare