abbaúnzu , nm: abbunzu Definitzione cosa fata male, improdhu, cosa chi faet disonore Sinònimos e contràrios peca 1, scioncu / abbunzadura, aciorodhu, coredhu, impaputzu, impiastru, inciapudhu, indróvigu, irraminzu, massipu, mistréllia 2. s'abbaunzu de un'àteru no si lu garrigaiat unu giòvanu de sa bidha ◊ su furisteri o malevadadu chi si garrigaiat s'abbaunzu passaiat de cobertore, corrudu e giutu a befe Ètimu srd. Tradutziones Frantzesu scandale, saleté Ingresu indecent, indecency Ispagnolu vergüenza, grosería Italianu scóncio, sconcézza, porcherìa Tedescu Pfuscherei, Anstößigkeit, Schweinerei.

acioródhu , nm: atzarodhu, atzerodhu, atzorodhu, ciarodhu, tzorodhu Definitzione cosa fata male o nada a s’afaiu, betada apare chentza régula; fintzes cosa leada unu pagu a disprétziu / fàghere sa cosa a s'atzorodhinu = a sa biscaina, a brétiu, comenti essit essit Sinònimos e contràrios abbaunzu, abbunzadura, afioncu, atzarodhadura, atzorodhinada, ciaputzeria, coredhu, frodhoga, impaputzu, impiastru, inciapudhu, inciorodhu, indróvigu, navàciu Frases is chi cantant oe funt totu atzerodhos!◊ ridiat e iscracagliada po dogni atzorodhu chi dhi nariant ◊ mi fiat improdhendi una surra de atzarodhus ◊ tzertos poetas, oe, candho crent de fàghere poesia ahi cantu aciorodhu batint apare! (A.Dettori)◊ narat botza de atzorodhu chi annuat su sole!◊ chi sighit s'asciutore est bellu s'atzerodhu: ocannu ndhe torraus chentza nudha! 2. bi aiat a bèndhere durches, turrone e àteros atzorodhos Ètimu srd. Tradutziones Frantzesu bâclage, horreur, chose mal faite Ingresu bungling, mess Ispagnolu chapuza, chapucería Italianu acciarpìo, pastìccio Tedescu Pfuscherei.

ciaputzería , nf Definitzione trebballu de ciaputzu, fatu a improdhu, male Sinònimos e contràrios abbaunzu, abbunzadura, aciarodhu, afioncu, coredhu, impiastru, inciapudhu, inciorodhu, indróvigu Ètimu srd. Tradutziones Frantzesu travail mal fait Ingresu mess Ispagnolu chapuza, chapucería Italianu lavóro mal fatto Tedescu Pfuscherei.

impiàstru, impiàstu , nm: impriastu Definitzione impastu de cosa de fàere o pònnere a frigadura, meighina; cosa bruta, mescamente faina fata male (o fintzes solu cunsiderada deasi); nau unu pagu cun tzacu, unu chi giaet ifadu, istrobbu, o fintzes un'improdheri, impiasteri Sinònimos e contràrios abbaunzu, abbunzadura, aciorodhu, afioncu, coredhu, inciapudhu, indróvigu, martutzu 1, mistréllia, piastu 1 Frases como nemos cret prus a custas meighinas, totus andhant a sas butecarias a comporare calesisiat impiastru ◊ dh'iat donau un'impiastu fatu de allu e de erbas bodhitas a lugori a dhu ponni in su bídhiu de su pipiu 2. mi est pigadu su badhine de ti mandhare impriastedhos mios in prosa ◊ una pischedha manna a la tèssere vi cheret die e mesa, sinono essit un'impiastru ◊ intrau in conca nci dh'est s'arrosóliu de amenta… no iscít ca de cussus impiastrus no si ndi usat prus?! 3. cussu impiastu de manorba chi apu pigau a trabballai no est bonu a fai nudha! Ètimu itl. Tradutziones Frantzesu barbouillage, gribouillage Ingresu poultice Ispagnolu emplasto, chapuza, cargante Italianu impiastro Tedescu Pfuscherei.

impródhiu, impródhu , nm Definitzione cosa fata male, totu atzorodhada, betada apare chentza órdine; a logos, brutesa, brutore / bivi a i. = de ispedientes, chentza triballu fetivu, faghindhe cosighedhas Sinònimos e contràrios abbaunzu, abbunzadura, aciorodhu, ciafaretzu, coredhu, frodhoga, imburdugu, impiastru, impriodhu, intzodhu, mistréllia, massipu, mugoni, navàciu Frases abbramius de tastai prostus nous, ingurtint mesturus e improdhus ◊ eus acabbau su trabballu, mancai a improdhu Ètimu srd. Tradutziones Frantzesu horreur, gribouillage Ingresu mess Ispagnolu chapucería Italianu pastìccio Tedescu Pfuscherei.

«« Torra a chircare