babbólcu, babbórchi, babbórcu , nm Definitzione babbai o babbu orcu: in is contos, genia de persona manna manna, unu pagu mala e tonta, de tímere Sinònimos e contràrios olcru, paborcu 2. su lasseit a cumbatare a sa sola sos babborcos chi giughiat in conca Ètimu srd. Tradutziones Frantzesu ogre Ingresu ogre Ispagnolu coco Italianu èssere fantàstico, fantasma Tedescu Ungeheuer, Gespenst.

pantàma, pantàmma , nm, nf: pantarma, pantàsima, pantàsimu, pantasma, pantàsuma, pantúsima Definitzione un'èssere pentzau coment'e cosa chi faet a tímere, un'upa, un'umbra chi no si distinghet bene Sinònimos e contràrios fantàsima, malmuntone, mantama, mantuma, pantasi, pantuma, pupurru Frases pro fàghere a tímere pònedi bistire de pantama! ◊ si lis fit parada in dainantis sa pupa de unu carru, che pantarma ◊ unu pantàsima no giughet carre e ossos che a nois ◊ fint faedhendhe de traigolzos e pantàsumas ◊ at bidu una pantama e ndhe at leadu ispreu ◊ si contaiant contos de pantàsimos Ètimu spn. pantasma Tradutziones Frantzesu fantôme Ingresu ghost Ispagnolu fantasma Italianu fantasma Tedescu Gespenst.

papàntile, papàntule , nm Definitzione nue niedha (o àtera figura puru) a bisura de cristianu chi faet a tímere Sinònimos e contràrios mantama, mantuma, pantama, pupurru Frases cúcuros, matas, àrvores, nuraches, candho sa bortaedie perdet aeras ant fromma de papàntules (L.Loi)◊ bido angheledhos totu a manu tenta inghiriandhe papàntules de nie ◊ papàntiles mannos de nues avantzant e carchi gútziu est assendhendhe Tradutziones Frantzesu fantôme, spectre Ingresu spectre Ispagnolu espectro, fantasma, aparecido Italianu fantasma, spèttro Tedescu Gespenst.

súivile , nf, nm: súrbile, súrvile Definitzione ànima mala chi, si narat, passat a súrbiu che bentu e che suspit su sàmbene a is pipiedhos: in cobertantza, fémina mala; si narat fintzes de bentu malu, forte, a tragonaja (e in custu sensu est sèmpere nm.) Sinònimos e contràrios papàntule, suile, sultore, surbéntile, súrzile, tilioca Frases sas súrbiles essint a denote ◊ candho frúsciat su bentu paret súlvile mala (A.Dettori)◊ dúbbiu predosu, súrbile malinna, acràrati: ite cheres? (G.Piga)◊ frades caros, no siemus che súrviles malignas de sàmbene sididas! ◊ sas súrviles sas venas de su coro ti ant surzidu ◊ contr'a sa súrbile mala istant bizendhe sas mamas 2. sos súrbiles, ocannu, ant distrutu totu sas binzas 3. tia Pietrina che intreit che una súrvile, niedha che su titone a brigare su fizu Ètimu srd. Tradutziones Frantzesu vampire, spectre, monstre Ingresu vampire, ghost, monster Ispagnolu vampiro, espectro Italianu vampiro, spèttro, móstro Tedescu Vampir, Gespenst, Monster.

«« Torra a chircare