Legenda Incurtzaduras | Legenda Sìmbulos

abbilidàde, abbilidàdi , nf Definitzione capacidade de fàere cosa, trebballu o àteru chi siat Sinònimos e contràrios abbiléncia, abbilesa, abbistesa, impita, intiga Frases po s’abbilidade de imparare e allegare una limba serbit sa grammàtica universale, ma peri s’esperiénsia limbística Ètimu spn. Tradutziones Frantzesu habileté Ingresu capability Ispagnolu habilidad Italianu abilità Tedescu Geschicklichkeit.

abbrétiu , nm: abbrítiu, abrítiu, arvítziu Definitzione abbilesa, fortza, prus che àteru in su sensu de si pònnere a fàere, de no si ndhe asseliare de is cosas Sinònimos e contràrios abbríchiu, abreu / ardúriu, balia, bidória Frases sa sorte mi at dadu sos abbrítios de connòschere su bonu e su malu ◊ cussu no tenit abbrítiu nudha ◊ no est un'abbrítiu mannu a iscúdere unu pitzinnu! ◊ si unu cani atopat unu gatu, su primu abrítiu est de dh'afracai ◊ innanti de mòvere a su monte pigant s’arvítziu de fàiri unu pràngiu ◊ is macus non tenint s’abbrítiu de portai unu sodhu a domu Tradutziones Frantzesu capacité Ingresu ability, talent Ispagnolu habilidad Italianu capacità, ingégno Tedescu Geschicklichkeit, Geist.

capacidàde, capacidàdi , nf: capassidadi, capatzidade Definitzione sa calidade chi si tenet de fàere, de arrennèscere, de àere un'arresurtau bonu Sinònimos e contràrios abbiléncia, abbilesa, abbilidade, abbistesa, intiga Frases Antoni tenet sa capatzidade de sonare no solu sa chiterra ◊ de unu giòvanu cojendhe si abbàidat totu, benes, tribàgliu, volontade, capatzidades, caràtere e víscios ◊ sa gara aiat sa capatzidade de fagher recuire a piata tota sa bidha ◊ sa capacidadi e sa gana bona chi issu teniat de istudiai dh'iant giau unu bellu addotrinamentu ◊ issu tenit sa capassidadi de amministrai bèni Tradutziones Frantzesu capacité, aptitude Ingresu ability Ispagnolu capacidad Italianu capacità Tedescu Geschicklichkeit.

mestiéri , nm Definitzione abbilesa, capacidade pràtiga de fàere bene calecunu trebballu Sinònimos e contràrios alte Frases isculta sos consizos e impita su mestieri chi tenes in manu ◊ s'ómine cantadore 'e mestieri, narat su díciu, morit pedidore! (Còntene)◊ iat provau totu is mistieris e no ndi dh'iat pràgiu mancunu Tradutziones Frantzesu mêtier Ingresu job Ispagnolu experiencia, práctica Italianu mestière Tedescu Fertigkeit, Geschicklichkeit.

«« Torra a chircare