atzitzaméntu , nm Definitzione su atzitare, nau in cobertantza in su sensu de cricare de cumbínchere a fàere calecuna cosa Sinònimos e contràrios atórigu, aturigada, impúncia, insúliu 1, insullamentu, intzídia Ètimu srd. Tradutziones Frantzesu instigation Ingresu instigation Ispagnolu instigación Italianu istigazióne Tedescu Anstiftung.

impúncia , nf: impuntza, impuntzu, ispuntza Definitzione cosa chi si faet o chi si narat (fintzes fàula) po ispínghere s'àteru a fàere male o cosas chi no andhant bene Sinònimos e contràrios atzitzamentu, impuntzone, insúliu 1, insullamentu, intzídia Frases sa Die de sa Sardigna siat impuntzu de rebbellia a su dominadore anzenu!(B.Cumpostu)◊ comente est contr'a nois unu cane, bi ponzesit impuntzas ◊ pro impuntzas anzenas no mi lessas in mesu de sos afannos! ◊ no ch'est passadu, Coro: abbisu bi at impuntza! Ètimu srd. Tradutziones Frantzesu instigation Ingresu instigation Ispagnolu instigación Italianu istigazióne Tedescu Anstiftung.

intrània , nf, nm: intràniu Definitzione su male chi si pentzat e cuncordat a ingannu contr'a ccn. Sinònimos e contràrios abberintu, afrascu, cadràbula, concivada, cumpoltura, estremagiogu, imbovu, ingànniu, mangalofu, màngana, tarasca, tràglia, tramòglia, trampa, trapassa, troga Frases s'at buscadu un'isaurimentu chi li at postu in perígulu sa vida e si est de sos intrànios pentida (G.Sini)◊ a su babbu e a sa mama los cumpensat cun intrànios malignos e finas los istúpiat in cara Ètimu srd. Tradutziones Frantzesu machination, duperie Ingresu intrigue, deceit Ispagnolu engaño Italianu macchinazióne, inganno Tedescu Anstiftung, Betrug.

trallàtzu , nm Definitzione odríngiu de trallas po pònnere a unu de punta cun s'àteru Sinònimos e contràrios abbisu 1, concivada, transa Tradutziones Frantzesu complot en vue de semer le désaccord Ingresu intrigue Ispagnolu tejemaneje Italianu macchinazióne per creare disaccòrdo Tedescu Anstiftung.

«« Torra a chircare