apartadítzu , nm Definitzione loghighedhu ue faet a pònnere o arrimare calecuna cosa Sinònimos e contràrios abburgadorzu, garrapiu, lóbiu, tzibbotu Frases custos pisedhos istant in apartaditzos chena sole Terminologia iscientìfica dmo Tradutziones Frantzesu débarras Ingresu storeroom Ispagnolu trastero Italianu ripostìglio Tedescu Abstellraum.

caramòto , nm Definitzione genia de armàdiu in su muru a dhue arrimare cosa (a logos fintzes buidu asuta de iscala) Sinònimos e contràrios càmara, camaritu / culumberi Frases in su caramoto sas provistas fint sempre a mischinzu ca s'incunza fit romasa Terminologia iscientìfica dmo Ètimu srd. Tradutziones Frantzesu débarras Ingresu storeroom Ispagnolu trastero Italianu ripostìglio Tedescu Abstellraum.

colombéri , nm: columberi, culumberi, cumboberi, cumboreri, cumbuleri, cummoberi Definitzione genia de armadiedhu lassau in su muru po pònnere calecuna cosa (mescamente acanta a sa forredha); su buidu chi lassant in is muros – a bortas – candho ndhe leant su ponte; istampu mannu in is muros, in orrocas, buidedhu chi dhue faent su nidu is culumbos o, si est a paris de terra, genia de cundhutu asuta de muru po passare abba Sinònimos e contràrios abburgadorzu, acajolu, camaritu, fenesta, macarina, percolu Frases candho essis lassa sa crae in su culumberi! ◊ chie iscultat in columberi de muru iscultat male anzenu e sou puru ◊ in sas cumbessias sas bentanedhas pariant culumberis ◊ ponimus sos luminos in su culumberi de su furru ◊ at postu sa cafetera in su cumboberi tupau cun sa tendhina 2. custu muru est totu a culumberis de cantu est male fatu ◊ connoschet donzi culumberi inuve s'impercant sas cosas pérditas ◊ eis biu cussus colomberis me in s'arroca: in cussus istampus dhui biviant feminedhas chi tessiant a tralàrgiu de òru… Ètimu ctl. colomer Tradutziones Frantzesu placard Ingresu small room Ispagnolu alacena Italianu pìccolo vano, ripostìglio nei muri Tedescu Abstellraum.

«« Torra a chircare