Ditzionàriu in línia
de sa limba e de sa cultura sarda

boàle , nm: buale, poale Definitzione genia de istrégiu, de làuna o de plàstica, po umprire, pigare abba / min. bualitu Sinònimos e contràrios caltzida, candharja, gupiale, istagnale, umpuale Frases Salbadore fuit bénnidu pro azuare a che regòllere s'abba cun buales e padedhas ◊ lea sos buales de s'assucadura a sos porcos! Terminologia iscientìfica stz Ètimu ctl. poal Tradutziones Frantzesu seau Ingresu bucket Ispagnolu cubo, balde Italianu sécchio Tedescu Eimer, Kübel.

caltzída , nf: caltzira, carcida, càrcida, carciga, cartzida, cracida, cracira, cratzida Definitzione genia de istrégiu largu a fundhu tundhu, a costaos artos e un'asa a mesu cricu, a bisura de umpuale Sinònimos e contràrios boale, cacidone, gupiale, istagnale, mussórgiu, pipordo, séchia Frases como ti ndhe fato ingúllere una caltzida, de cafè! ◊ botos, cartzigas, carderas e brocas ti impitant totu die…◊ nci ghetant sa cracida a funtana po ndi pesai s’àcua po s'isciacuai Terminologia iscientìfica stz Ètimu ltn. *calcitra Tradutziones Frantzesu seau Ingresu pail Ispagnolu cubo, balde Italianu sécchio Tedescu Eimer.

umpuàle , nm: upuale Definitzione genia de istrégiu, de làuna o de plàstica, po umprire, pigare abba, múrghere Sinònimos e contràrios boale*, caltzida, candharja, gupiale, istagnale, pipordo, umpiolu / mossorzu, murghijola / ttrs. upuari Frases batídemi un'upuale de abba e unu pannu netu a mi frobbire Terminologia iscientìfica stz Tradutziones Frantzesu seau Ingresu bucket Ispagnolu cubo, balde Italianu sécchio Tedescu Eimer.