Ditzionàriu in línia
de sa limba e de sa cultura sarda

fellonía , nf Definitzione idea de fàere male Sinònimos e contràrios malincrinu, malíndula Tradutziones Frantzesu perfidie Ingresu treachery Ispagnolu perfidia Italianu perfìdia Tedescu Treulosigkeit.

tírria , nf: (sa t. = nr. satírria) tírriu 1 Definitzione genia de sentidu malu contra a s'àteru, coment'e de ódiu, a dispetu Sinònimos e contràrios ascru, imbídia, malàstiu / corconu | ctr. istima Maneras de nàrrere csn: ghetai t. a unu = ficare ódiu; èssiri a t. de pari = unu contras a s'àteru a chie ndhe podet fàghere de prus, de dirbetos, coment'e zente chi no si podet bídere; tènniri t. a ccn. = no lu poder bídere tichedhu; pònnere sas tírrias a unu = bogaidhu in bregúngia, desdorai Frases medas funt impastaus de tírria chi no fait a dhu crei! ◊ galiotos sunt tessendhe tírrias e brigas isfoghendhe sos ódios tzotzidos ◊ funt currendi in tírria e a trivas cun is pretocaus! ◊ cussu est tírriu chi sentit, no est atru! Sambenados e Provèrbios smb: Tirria Ètimu spn. Tradutziones Frantzesu rancune, perfidie, antipathie Ingresu rancour, dislike, perfidy Ispagnolu tirria Italianu àstio, perfìdia, antipatìa Tedescu Groll, Heimtücke, Abneigeung.