Legenda Incurtzaduras | Legenda Sìmbulos

moderína , nf, nm: modinia, moredina, moretina, moridina, muderina, mudrina, muredhina, muredina, muredinu, muretina, muridina, muridinu, muritina Definitzione mura de pedra, muntone de pedra arregorta comente ndhe essit in s'aríngiu, in is terras trebballadas, ma fintzes assentada: muredinu est muredhu puru Sinònimos e contràrios morighina, muragadha, muredha, murissina Frases sos narvonajos faghiant sa linna a carvone e sa pedra la colliant tota a moderinas ◊ fit tota sa tzitade una ruina, muredinas de pedra cun calchina ◊ sa tzitade l'ant fata a una muridina cun sos bombardamentos ◊ su pastoredhu est a libbru in manu in sa mudrina, cun sos anzones paschinne 2. si est sétziu in su muredinu isciorrocau Ètimu srdn. Tradutziones Frantzesu amas de pierres Ingresu heap of stones (rubbles) Ispagnolu majano, montón de piedras, escombros Italianu murìccia, cùmulo di piètre, di macèrie, mòra Tedescu niedrige Steinmauer, Steinhaufen.

morighèssa , nf: muragersa, muragessa, muraghessa, murichessa, murigessa, murighensa, murighessa Definitzione genia de mata manna chi faet su frutu (m. fémina) chi paret mura: dhue ndh'at de duas calidades, una chi faet sa mura bianca e una chi dha faet niedha; sa fògia serbit po brovendha de su fermesílicu (chi faet sa seda)/ muragessa mascu = sa mata chi faet frore ma no frutu; murighessa de s'arrua = mura de arrú, mura Sinònimos e contràrios gersa, moresinu Terminologia iscientìfica mtm, Morus alba, M. nigra Ètimu ltn. mora celsa Tradutziones Frantzesu mûrier, mûre Ingresu mulberry (-tree) Ispagnolu morera, moral Italianu gèlso, mòra del gèlso Tedescu Weißer oder Schwarzer Maulbeerbaum, Maulbeere.

múra 1 , nf: amura Definitzione su frutu de s'orruo, ma fintzes sa tupa; su frutu de sa morighessa (a logos m. de mata) e fintzes custa mata etotu; genia de anedhu cun trebballu a bisura de mura / m. de terra = fràula; niedhu che m. = niedhu píghidu Sinònimos e contràrios arrú, lama 1, muramura, murarrú, murena 1 Frases cantu est niedha, sa mura, chi tinghet finas su pannu! ◊ a pitzinnos istaimis girendhe sos logos tirendhe mura e chirchendhe nidos Sambenados e Provèrbios smb: Mura Tradutziones Frantzesu mûron (du ronce), mûre (du mûrier) Ingresu mulberry, blackberry Ispagnolu mora Italianu mòra di róvo, di gèlso Tedescu Brombeere, Maulbeere.

«« Torra a chircare