torradórgiu, torradórju , nm: torradorzu, torradroxu Definitzione logu a ue si torrat, mescamente sa domo ue s'istat e si bivet; in sa tenta o tula, trebballandho, sa torrada de su furriadórgiu; s'argumentu principale de unu chistionu, su chi si podet cunsiderare sa sustàntzia de su nàrrere e fintzes sa torrada de una cantzone, de is gosos o àteru, fintzes cosa chi si torrat a nàrrere, chi si arrepitit a tantas bortas ca cussa est sa chi dolet, sa chi si pentzat prus importante / no àere torradorzu = (nau de ccn.) abarrai a giru iscarescendisí fintzas de tènniri domu Sinònimos e contràrios ghiradorju / torrada, torradura Frases sudhi sudhi e a s'abboja abboja apo, prima ch'inserrent sas aeras, su torradorzu bostru assebertadu (G.Marras)◊ current a die e a note che isperdissiados fatu a sas festas chen'àere torradorzu perunu! ◊ su bestiàmini fut giai in su torradroxu acanta a sa barraca 2. a cada torradorzu sas arbadas creschent in lugore 3. faedhat, faedhat, ma est unu nàrrere chentza torradorzu, su sou ◊ ti che la zirat de tantas maneras, ca za no si li trobeit sa limba faedhendhe, ma su torradorzu est semper cudhu! ◊ su torradorju de sa biuda fit: Bertumeu de su coro… bonu bonu! Ètimu srd. Tradutziones Frantzesu leitmotiv Ingresu leit motiv Ispagnolu leitmotiv Italianu leit-motiv Tedescu Leitmotiv.

«« Torra a chircare