Ditzionàriu in línia
de sa limba e de sa cultura sarda

allacanaméntu , nm Sinònimos e contràrios allacamentu, allacanadura, allacanonzu, ammortosinadura, amotroxinamentu, arrematu, fiachesa, inflachimentu Ètimu srd. Tradutziones Frantzesu flétrissure, affaiblissement Ingresu withering, weakening Ispagnolu debilitamiento Italianu appassiménto, infiacchiménto Tedescu Entkräften.

maltóriu , nm: martória, martóriu, martúriu Definitzione prus che àteru si narat po sufrimentu mannu de maladia longa chi indebbilitat e betat a terra, po sa maladia etotu; fintzes sufrimentu chi si afrontat po un'ideale, po una fide: si narat puru po persona màrture / is martúrius = mamudinu, su sonu airadu chi faghent in crésia cun matracas e forrigajolas in chenàbura santa, e fintzas una de sas funtziones Sinònimos e contràrios malturítziu, marturatzoni / màlturu Frases isse sulleviat dogni martóriu 2. su cuntzetu sou no lu negat mancu pro su martúriu, antzis l'at a mannesa e ndhe dat prou 3. fit vetza e ammorgodhata, mesu martúria dae sos nérvios de sos grenucos chi no li reghiant prus ◊ Zesugristu at sanau unu martúriu chi li ant batiu in su letu 4. su mércuis santu alluenta tréixi candelas e is preris apalas de s'altari cantànt is martúrius: a dónnia salmu isturànt una candela Ètimu ltn. marturium Tradutziones Frantzesu affaiblissement, aveulissement Ingresu chronic physical enfeeblement Ispagnolu debilitamiento crónico Italianu infiacchiménto fìsico crònico Tedescu chronische Entkräftung.