arrempéllu , nm, agt: arrepellu, arrumpellu, rempellu* Definitzione nau de gente o de animale, chi no si lassat dominare, chi no faet a dhu dominare, chi o chie faet fortza a su contràriu (nau de calecuna cosa chi depet mòvere, girare, chi est mala a mòvere, mala a girare, dificurtosa, tostada); su si arrempellare, su si furriare; fintzes orrugu de cosa postu asuta de un'àtera po dh’aguantare artzada Sinònimos e contràrios cantoneri, impregadu, rebelde, screnciosu / arrempellada, furriada / pontedhu 2. custas sunt boghes de revudu e de arrempellu ◊ no cheriant incoragire sa zente a s'arrempellu Terminologia iscientìfica ntl Tradutziones Frantzesu indocile Ingresu indocile Ispagnolu indócil Italianu indòcile Tedescu unfolgsam.

cantonéri , agt Definitzione chi est malu a dominiare, nau de animale Sinònimos e contràrios arrepellu, rebelde, screnciosu Tradutziones Frantzesu rétif Ingresu unruly Ispagnolu indócil, rebelde Italianu indòcile Tedescu widerspenstig.

rebèlde , agt: reberde, reverde Definitzione chi o chie est trotu, no est cunforma a s'arrexone, no ponet mai mente, nau de persona chi no afilat, no giaet ascurtu a s'arrexone Sinònimos e contràrios arrabbellu, arrevésciu, impregadu, rebbéchinu, redossu, screnciosu, traessu Frases aviat ideas reverdes, ma fit una pessone onesta ◊ e cantos rebeldes apo bidu lendhe a s'imbesse sa filada, fichindhe rughe in domo anzena!…◊ da bi sunt resissios sos amicos a cumbínchere a Fulanu chi fit semper reberde! (M.Canu) 2. su frizidore si fachiat semper prus reberde a manu a manu chi sa die avantzabat (Z.Piga) Terminologia iscientìfica ntl Ètimu spn. Tradutziones Frantzesu rétif Ingresu kicking, unmanageable Ispagnolu rebelde Italianu ricalcitrante, indòcile Tedescu störrig.

rempéllu , agt, nm: arrepellu, repelle, repellu, rumpellu Definitzione nau de gente o de animale, chi no si lassat cumandhare, chi oponet una fortza a su domíniu, chi no ponet mente; nau de calecuna cosa chi depet mòvere, girare, o àteru deasi, chi est mala a mòvere, a girare, chi dhu faet a fortza; fintzes furriada chi si faet contr'a ccn. o contr'a calecuna cosa Sinònimos e contràrios cantoneri, chertosu, rebelde, screnciosu / ammutighinada, arrempellada / ttrs. rimpedhu | ctr. bolenterosu, coriale Frases respinghesit continu, cun repella voluntade, firmesa e cun onore, pro no cuntzèdere a su binchidore sa fiza sua ◊ un'idea repella ti che at postu in sa tzella! ◊ su fizu de su sabbateri est repellu abberu: no ponet mai mente a su chi li narant 2. deo no so poeta de talentu: candho leo sa pinna… est rempella! ◊ a su friscu li cheret postu unu pagu de ozu: est unu pagu rempellu, depet èssere ruinzadu 3. cal'est sa rejone de custu repellu? chie bos at postu tantu frenésigu? Terminologia iscientìfica ntl Ètimu itl. ribelle Tradutziones Frantzesu indocile, résistant Ingresu tough, unruly Ispagnolu indócil, indómito Italianu indòcile, resistènte Tedescu unfolgsam, widerspenstig.

screnciósu , agt, nm Definitzione chi o chie faet su tostau, su rempellu, est malu a adduire, a si lassare cumbínchere, ghiare o àteru Sinònimos e contràrios arrepellu, carcinosu, impregadu, rebelde, rempellu, tórriu Terminologia iscientìfica ntl Ètimu srd. Tradutziones Frantzesu rétif Ingresu reluctant Ispagnolu indócil, reacio Italianu indòcile, restìo, ricalcitrante Tedescu widerspenstig, störrisch, auflehnend.

«« Torra a chircare