irradichinàre , vrb: irraichinare,
irraicrinare,
irraighinare,
irrexinai Definitzione
bogare de is arraighinas; iscarragiare is arraighinas; in cobertantza, istesiare, fàere mòvere, fàere pesare e andhare
Sinònimos e contràrios
iddarraighinare,
iserrighinae,
ispiconare,
scotzedhai,
sderrexinai
Frases
unu caróngiu mannu trodolendi de costera ndi at irrexinau arrolis e suerxus
2.
fit a gherra a mi ndhe irraighinare dae su letu!
Tradutziones
Frantzesu
déraciner
Ingresu
to uproot
Ispagnolu
desarraigar
Italianu
sradicare,
divèllere
Tedescu
entwurzeln.
iscratzàre , vrb Definitzione
segare a tiradura e isperradura, a iscórriu, naes, cambos e cosas deasi (fintzes bestimentu in sa cosidura)
Sinònimos e contràrios
ilgratzare,
iscosciai,
scascellai
Frases
no pighes a cussa camba ca est fine e ndhe l’iscratzas! ◊ comente mi so imbassiadu mi apo iscratzadu sos pantalones in mesu de ancas ◊ su limone si ndh'est totu iscratzadu de cantu ndhe zughet: cheriat afurcarzadu!
Tradutziones
Frantzesu
déchirer
Ingresu
to break by drawing
Ispagnolu
arrancar
Italianu
divèllere,
scosciare
Tedescu
die Schenkel ausrenken.
istodhíre , vrb: istudhire Definitzione
tirare de fundhu (nau de erbas, cosas prantadas), arregòllere, pigare
Sinònimos e contràrios
bodhire,
collire,
irrampare,
istòdhere,
tirai,
tòdhere
Frases
no s'istodhit un'àrvure annosa pro la piantare in àteru terrinu! ◊ a boltas pianghet pro ndh'àere istudhidu unu fiore ◊ sunt istodhindhe sos budrones de sa ua ◊ ma ite animale malu fit arrivadu a l'istodhire totu cussa cariasa?!
Ètimu
srd.
Tradutziones
Frantzesu
arracher
Ingresu
to tear up
Ispagnolu
arrancar
Italianu
strappare,
svèllere,
divèllere
Tedescu
reißen,
ausreißen.