barriàdu , pps, agt Definitzione de barriare; chi portat càrrigu; chi ndhe portat meda (frutu, machiori, pinzos de… mascu) Sinònimos e contràrios carrigadu / gàrrigu, frunidu | ctr. líchidu 1, iscàrrigu Frases fimus in medas e amus barriadu coitendhe ◊ tue za as barriadu, a machine! ◊ lampu a barriadu chi at cussu: no ndhe narat una zusta! 2. ocannu sas olias sunt barriadas meda ◊ semus barriados de males e no ndhe podimus a fàghere ispesa manna 3. cussu za nachi est barriadu e la cuntentat sa muzere! Tradutziones Frantzesu chargé Ingresu load (ed) Ispagnolu cargado Italianu caricato, càrico Tedescu geladen, voll.

bàrriu , nm, agt Definitzione su tanti de cosa chi bastat po carrigare a unu, o un'animale, una màchina; mesura de 60 (o de 100) litros; chi portat càrrigu; nau de fémina, chi est príngia / èssere b. che pedhe de assile, a pilu in pedhe = càrrigu meda (nau de matas po su frutu) Sinònimos e contràrios càrrigu / barriadu, prenu | ctr. líchidu 1, scàrrigu Frases apo una labia de duos bàrrios e unu carradellu de bator bàrrios ◊ tiras treme treme bàrrios pesudos 2. Mont'Albu est bàrriu de nie ◊ sas àrbures sunt bàrrias de frutuàriu 3. cudhae sos terrinos sunt piús in pendheu e bàrrios de ruedhu 4. sas àrvures ocannu sunt bàrrias che pedhe de assile: no est in contu sa landhe chi giughent! Sambenados e Provèrbios smb: Barriu / prb: in caminu si acontzant sos bàrrios ◊ bàrriu minore remiarzu mannu Ètimu srd. Tradutziones Frantzesu charge Ingresu load (ed) Ispagnolu carga Italianu càrico Tedescu Laden, voll.

càrria , nf: gàrriga Definitzione sa cosa, su pesu chi si leat o chi si ponet a unu, a un'animale, a unu mezu po che dhu carrare; cumandhu o impreu chi unu si pigat o chi dhi giaent a fàere; neghe po calecunu dannu; sa cosa chi si ponet a un'arma po isparare o fintzes fàere fortza, energia Sinònimos e contràrios bàrriu / cundenna, curpa / incàrriga Frases est torrendi cun d-una càrria tropu mala a portai ◊ su Deus onnipotente a dognunu chi vivet at donadu una càrriga de vida (S.Baldino) 2. àtaras càrrigas políticas no nd'iat bófiu 3. custu dannu est totu a càrrigu tou Ètimu srd. Tradutziones Frantzesu charge Ingresu load Ispagnolu carga Italianu càrico Tedescu Ladung.

càrrigu , nm, agt: càrriu, gàrrigu* Definitzione cosa o pesu chi si pigat o chi si ponet in pitzu de unu o de calecunu mezu po dhu portare; chi portat càrrigu, chi est carrigau; nau de sa terra, chi portat abba meda, in su pígiu de pitzu, e no faet a dha trebballare (est matzosa) Sinònimos e contràrios bàrriu, càrria / barriadu, carrigadu, frunidu | ctr. (agt) líchidu 1 Maneras de nàrrere csn: a càrrigu miu, tuu, suu = a lu pagare, a ndhe rispòndhere deo, tue, isse; fai su càrrigu = fàghere su tantu de barriare unu mezu, a unu, o (in dibbatimentu) betare totu sas curpas; prova de càrriu (in dibbatimentu) = fatu chi cufrimmat s'acusa; colori càrrigu = cotu, forte Frases fut a andhare a càrriu a cúcuru Tradutziones Frantzesu charge, chargé Ingresu load (ed) Ispagnolu carga Italianu càrico Tedescu Ladung.

«« Torra a chircare