Legenda Incurtzaduras | Legenda Sìmbulos

carúmene , nm: carúmine Definitzione sa càscia, is ossos de un'animale mortu (e fintzes de su cristianu) Sinònimos e contràrios ispéigu, ispínnicu Frases una tumba nos paret pienada de carúmenes púdidos e mortos ◊ si depia bolare fintzas a s'istedhu prus atesu, cun cales alas che tia pòdere trazare custu carúmene? Tradutziones Frantzesu charogne, carcasse Ingresu carrion Ispagnolu carroña Italianu carógna, carcame Tedescu Tierleiche.

carúngia, carúnza , nf Definitzione animale mortu, ispéigu: nau a disprétziu, àliga de muntonàrgiu; fintzes bisura, sa cara po su chi paret Sinònimos e contràrios moltolzu Frases innantis fipi un'avuzu po sa carunza 2. no fiat prexada, antzis portada carúngia maba! Tradutziones Frantzesu charogne Ingresu carrion Ispagnolu carroña Italianu carógna Tedescu Tierleiche.

cóntzica , nf Definitzione unu pegus mortu de male e abbandhonau, mescamente su chi abbarrat de ossos e de pedhe Sinònimos e contràrios ispéigu, moltolzu Tradutziones Frantzesu charogne Ingresu carrion Ispagnolu carroña Italianu carógna Tedescu Tierleiche.

ispéigu , nm: spegu Definitzione pegus mortu, pérdiu, abbandhonau, mescamente su chi abbarrat de ossos e de pedhe Sinònimos e contràrios carúmene, cóntzica, iscórtigu, moltolzu, steressu Frases in altu si bidiant bolos de untulzos bramosos de godire sos ismulzos cun calchi ispéigu in punta de una serra (A.Casula)◊ sa Sardigna is istràngios dh'iant dividia coment’e un’ispéigu is intúrgios Ètimu srd. Tradutziones Frantzesu charogne Ingresu carrion Ispagnolu carroña Italianu carógna, béstia mòrta abbandonata Tedescu Aas.

moltólzu , nm: mortógiu, mortógliu, mortórgiu, mortóriu, mortorju, mortorzu, mortoxu, motroxu, multóriu, murtógiu Definitzione pegus mortu, pérdiu, abbandhonau, mescamente su chi abbarrat de ossos e de pedhe; bochimentu de animales e gente; logu chi dhue at pegus o persona morta, inue est totugantu mortu o no dhue at singiale de vida, de movimentu, fintzes sa funtzione po che portare su mortu a campusantu / is mortórius = totu su tempus chi, in chida santa, no si sonant sas campanas (de s'incravamentu a sas allegrias) Sinònimos e contràrios cóntzica, ispéigu / bochimentu Maneras de nàrrere csn: ghetàresi a mortorju = betàresi a burbas mortas, ghetaisí a s'abbramia che animali a su spéigu, a morti tzurpa; zanna, domo, logu serradu a mortóriu = coment'e chi siant mortus totus, chi no dhoi siat prus nemus; dòlere a mortóriu = meda, de pàrrere morindhe; èssere unu mortóriu, nadu de unu logu = chi no dhoi at genti, movimentu, ispàssiu; genia de frastimu: Su mortóriu sa bidha li paghet! = essiri pòberu a s'úrtimu puntu; sudoratu a mortógliu = sueradu totu ifustu, a una murca de suore Frases sos abbilastros sunt arrodiados a su mortorzu ◊ parent canes iscudèndhesi a moltolzu ◊ bi godit solu si biet mortórgiu, annanno de fogile in fogile (A.Zedde) 2. ant arrestau a unu po su motroxu de Bissenti 3. sa bichina fit relizonosa e si prestaiat a cada mortóriu ◊ ant àpidu sa zanna serrada a mortóriu ◊ custa bidha est unu mortóriu! ◊ cussu logu ti at a pàrriri unu mortóriu ◊ at pagadu su mortóriu a su preíderu 4. pro su dinare s'ómine si ghetat a mortorju Sambenados e Provèrbios prb: a su mortorzu current sos corvos Ètimu srd. Tradutziones Frantzesu charogne, abattage, enterrement Ingresu murder, carrion, funeral Ispagnolu carroña, matanza, entierro Italianu carógna, béstia mòrta, uccisióne, mortòrio Tedescu Aas, Kadaver (animale), Leiche (cristianu), Tötung, ausgestorbener Ort.

«« Torra a chircare