apeisínzu , nm Definitzione su catzigare, su pònnere is peis catzigandho Sinònimos e contràrios acracigu, apeítigu, apeitu, apetigognu, istrepitzu, pedicontzu Frases s'intendhiat s'apeisinzu de sos cadhos e s'istràghida de sas rodas Ètimu srd. Tradutziones Frantzesu piétinement Ingresu trampling Ispagnolu pisadas Italianu calpestìo Tedescu Getrampel.

apeítigu , nm Definitzione s'apeitigare, s'apeitare Sinònimos e contràrios apeisinzu, apetigu, istraitzu, pedicontzu Frases mísciu a s'apeítigu s'intendhet s'apedhu de sos canes Ètimu srd. Tradutziones Frantzesu piétinement Ingresu pattering Ispagnolu pisadas Italianu calpestìo Tedescu Getrampel.

apeítu , nm Definitzione s'apeitigare, s'apeitare; sa moidedha chi si faet cun is peis camminandho Sinònimos e contràrios apeisinzu, apetigognu, arrapitalla, istrepitzu, pedicontzu Ètimu srd. Tradutziones Frantzesu piétinement Ingresu trampling Ispagnolu pisadas, pasos Italianu calpestìo Tedescu Getrampel.

apetígu, apétigu , nm Definitzione catzigóngiu chi si faet ponendho is peis; nau in cobertantza, male chi si faet a s'àteru mescamente aprofitandho ca no si podet difèndhere Sinònimos e contràrios apeítigu, apeitu, apeisinzu, apetigamentu, istraitzu, apetigognu, pedicontzu / acovecu / atrípidu, istrepitzu, istrípidu, tribitu Frases s'intendhiat su chistionu de sa zente e s'apetigu de sos cadhos 2. ndi dh'ant fatu de apetigu, a cussu!… Ètimu srd. Tradutziones Frantzesu piétinement, vexation Ingresu overwhelming, trampling Ispagnolu pisoteo Italianu calpestìo, sopraffazióne Tedescu Getrampel, Überwältigung.

atrípidu , nm Definitzione genia de moida chi si faet cun is peis; fintzes cropos, surra Sinònimos e contràrios apetigu, atripizu, istrepitzu, istrípidu, tribitu / atripa Ètimu srd. Tradutziones Frantzesu piétinement Ingresu pawing, pattering Ispagnolu pisadas, patear Italianu calpestío, scalpitío Tedescu Getrampel, Gescharre.

càticu , nm, nf: càtiga, càtigu Definitzione su catzigare / a c. = nau de cosa, chi portat pesu in pitzu o istat in istrintu meda Sinònimos e contràrios acracigu, calcighinzu, iscàticu Maneras de nàrrere csn: una càtiga de zente = zente meda, a muntones, a càtiga muredhu, unu subra de s'àteru azummai che a sas pedras de unu muru; pònnere una cosa a càtigu = asuta, asuta de is peis Frases sa zente in crésia bi fit a càticu, a càtiga ◊ no bi ndhe ponzas meda ca a càtigu si pistat, sa figu ◊ bi est acudida piús zente de sa chi bi podiat istare: meràculu si no bi ndhe at mortu a càtigu! ◊ sa sue a càtigu s'at mortu unu porchedhu 2. si l'at posta a càtigu sa cosa bona! Terminologia iscientìfica Ètimu srd. Tradutziones Frantzesu piétinement, serré Ingresu trampling, pressed, tight Ispagnolu pisado, estrecho Italianu calpestìo, pigiato, strétto Tedescu Getrappel, gedrückt, eng.

istrepítzu , nm: istribitu, istripitzu, istripitu Definitzione sa moida forte chi si faet camminandho, tragandho o pistandho is peis; genia de ballu lestru Sinònimos e contràrios apeisinzu, apeitu, atrepillu, ischidu 1, ischimuzu, istriminu / apetigu, atrípidu, istrípidu, tribitu / cdh. stripitza, stripitzu / badhu Frases un'istrepitzu paret chi mi che butet su coro, ma est solu unu lèpore currenne ◊ isse connoschet sa zente a s'istribitu ◊ chena fàchere istripitzu ne fracassu, a peutu a peutu, atentu atentu ◊ su sirbonedhu no intendhiat istripitu perunu in sa bubada Tradutziones Frantzesu piétinement Ingresu shuffling Ispagnolu ruido de pasos Italianu calpestìo, scalpiccìo Tedescu Getrappel.

«« Torra a chircare