badhadòri , agt, nm: badharoi, balladore 1, balladori, ballatore Definitzione chi o chie ballat; chi girat (che a chie ballat); chi est in tàntaris o no est bene firmu; spigoni o ferru de porta, o de portone, chi postu in su tacu (o rana) dhos lassat girare e apèrrere cun facilidade / balladore de su lumbu (itl. tèsta del fèmore)= sa conca de s'ossu de sa cossa (su murudhale) ue intrat in s'ossu de su lumbu, e fintzas sa calanca de custu Sinònimos e contràrios badharinu, ballarianu / arrodedha 1, càncara 1, grifone, rodighedha, ruédhula Frases is badhadoris formant is cópias apasaus a duus a duus 2. naradhi chi arrangit s'isprigu balladori! Ètimu srd. Tradutziones Frantzesu danseur, pivot Ingresu dancer, pin Ispagnolu bailarino, inestable Italianu ballerino, pèrno Tedescu wackelnd, Zapfen.

badharínu , agt, nm: ballarincu, ballarinu Definitzione chi o chie dhi praghet a ballare, chie est ballandho; nau de cosa posta, chi no istat firma, chi est sugeta a mòvere, a trèmere Sinònimos e contràrios badhadori, ballarianu, tremulosu / sciagu Ètimu itl. Tradutziones Frantzesu danseur Ingresu dancer Ispagnolu bailarín Italianu ballerino, instàbile Tedescu tanzend, Tänzer.

ballariànu , agt, nm Definitzione chi o chie dhi praghet a ballare, chie est ballandho, est bonu a ballare; nau de cosa posta, chi no est tanti firma, chi ballat Sinònimos e contràrios badhadori, badharinu Frases in d-un'iscuta si est agatada ingullida dae su fiotu de sos ballarianos ◊ cussa pitzinna est una ballariana de circu Ètimu srd. Tradutziones Frantzesu danseur Ingresu dancer Ispagnolu bailarino Italianu ballerino Tedescu tanzend, Tänzer.

«« Torra a chircare