assolàdu , pps, agt: assolau, assoliau 1 Definitzione de assolare; chi est o istat a solu, o fintzes atesu de sa bidha, de ue faet abbitu sa gente Sinònimos e contràrios abbandhadu, aoradu, assoloriau, bruguaxu, incheremidu, ischedhau, únigu | ctr. acumpanzadu Maneras de nàrrere csn: logu assoladu = solu, chi no bi faghet abbitu neune, atesu, ispérdidu, desertu; assoladu che fera = solu deretu, che fera in monte 2. ite castigu feu su vívere assoladu! (A.Dettori)◊ mannoi est assoladu in domo sua ◊ assolados che murones, cudhos boighedhos arestes petzi los teniant a soga ◊ assolada sentza amore, che fiore allizadu duras bia ◊ lugheschet sa luna in cussorzas assoladas chen'amas Tradutziones Frantzesu solitaire Ingresu alone Ispagnolu solitario Italianu solitàrio, sperduto Tedescu isoliert, abgelegen.

solitària, solitàriu , nf, nm: sulitaju, sulitàriu Definitzione mérula de turre, genia de pigione chi assimbígiat a su turdu, niedhu, faet su niu fintzes in istampos mannos in is muros de is domos a oros de fora de sa bidha, costumat a istare a sa sola Frases solitàriu, fui: sa bidha no est logu de puzones! Terminologia iscientìfica pzn, monticola solitarius Tradutziones Frantzesu merle bleu Ingresu blue rock thrush Ispagnolu roquero solitario Italianu pàssero solitàrio Tedescu Blaudrossel.

«« Torra a chircare