Ditzionàriu in línia
de sa limba e de sa cultura sarda

lèva , nf Definitzione is fígios de un'angiada, de un'annu; servítziu militare / tirare in l. = andhare a sa vísita po fàere su sordau; sos de sa l. (noa) = totu cudhos (ómines), fedales, chi ant cumpriu su tempus de tirare in leva Sinònimos e contràrios fedu, levara / levada Frases ocannu sa robba at fatu leva bella: pesamus totu sas anzones féminas ◊ sa leva de custa brebei est dónni'annu bona ◊ sa leva si sinnat a pitica 2. cussos zòvanos cantendhe sunt de sa leva noa ◊ pro tirare in leva, che l'at posta in Castedhu 3. maladitu su rei ca sa leva at bogau! Ètimu ltn., itl. allevare Tradutziones Frantzesu classe, recrutement, service militaire Ingresu call-up Ispagnolu quinta, generación, mili Italianu lèva Tedescu Jahrgang, Wehrdienst.

levàda , nf: levata Definitzione sa tzerriada po fàere su servítziu militare; leada de cosa in cantidade manna (prus che àteru po bèndhere) Sinònimos e contràrios leva, tiràgiu Frases sa levata nos faghet grandhe ofesa, però chie nos bochit est Otana (D.Mele) Ètimu srd. Tradutziones Frantzesu conscription Ingresu conscription Ispagnolu reclutamiento, quinta Italianu coscrizióne Tedescu Einberufung.

tiràgiu , nm: tirazu Definitzione sa leva noa, sa festa de is de sa leva, sa tzerriada po fàere su servítziu militare Sinònimos e contràrios leva, levada Frases mi ant avisau de andhare a su tirazu ◊ pro su tiràgiu andho a Núoro Ètimu itl. tiraggio Tradutziones Frantzesu passer le conseil de révision Ingresu medical examination for call up Ispagnolu quinta, fiesta de los quintos Italianu vìsita di lèva Tedescu Musterung.