biàsciu , agt Definitzione trotu, chi andhat de una bandha a s'àtera, unu pagu a istúturu, a piliesse, chi no est deretu coment'e candho est in tira, lenu Sinònimos e contràrios abboe, achibboe, achifilu, acorrimboe, calembru, imboe, isbésciu, isgretzi, sbiàsciu* 2. de sa lentza biàscia su piscadori si est sapiu chi su pisci fiat girendu Tradutziones Frantzesu biais, oblique Ingresu oblique Ispagnolu oblícuo Italianu oblìquo Tedescu schief.

calémbru , agt: chilembru, colembru, collembru, culembru Definitzione chi est incrubandhosiche a una parte, coment'e atrotigau, trotu; nau de ccn., chi si credet meda Sinònimos e contràrios abboe, achibboe, achifilu, acorrimboe, imboe, isculembru, ochirioe, parangau / còrcobe, cucurudu Frases su tziu nche fit betzu, totu culembru chin sos innodricadorjos a botzos ◊ zanna, puntellu, muru calembru ◊ sa perda colembra no assentat bene Tradutziones Frantzesu biais, incliné, oblique Ingresu crooked Ispagnolu oblicuo Italianu sghémbo Tedescu schief.

imbòe , avb Definitzione in betada o incrubau a un’ala / èssere a un’i. = postu de malu betu, chi calat o est prus bàsciu a un’ala, coment’e crocandhosiche, betau a un’ala Sinònimos e contràrios abboe, achibboe, achifilu, acorrimboe, calembru, ochirioe Frases s'isterzu si ponet a un'imboe pro sucutare ◊ cussa cosa a un'imboe est suzetu chi si che tàmbulat! Ètimu srd. Tradutziones Frantzesu oblique, biais Ingresu oblique Ispagnolu oblicuo Italianu sghémbo, oblìquo Tedescu schräg.

isbésciu , avb: sbiésciu Definitzione a i. = a dortu, de rugadis, a istúturu Sinònimos e contràrios abboe, achibboe, achifilu, acorrimboe, biàsciu, calembru, imboe, ischilvésciu, iscuessu, isgretzi, sbiàsciu Ètimu itl. sbiescio Tradutziones Frantzesu de travers, de biais Ingresu slant Ispagnolu sesgo, oblicuo Italianu sghimbèscio Tedescu krumm.

ischígliu , nm Definitzione segada de traessu, a istúturu, parangada a una parte, fintzes línia fata de traessu ma sèmpere a un'imboe, prus bàscia a una parte (a cabu i.) Ètimu srd. Tradutziones Frantzesu coupe de travers Ingresu oblique cut (awry) Ispagnolu corte oblicuo Italianu tàglio sghémbo, oblìquo Tedescu Schrägschnitt.

sbiàsciu , agt Definitzione chi est fatu o segau a un'imboe, unu pagu a istúturu, a corru a una parte o a buca de pitariolu Sinònimos e contràrios biàsciu, irfiassu, isbésciu Maneras de nàrrere csn: avb. a o de sbiàsciu, de sbiésciu = unu pagu de rugadis, a dortu; castiai a unu a s. = a ogru dortu Ètimu ctl. bia(i)x, esbiaix Tradutziones Frantzesu biais Ingresu sloping Ispagnolu oblicuo, sesgado Italianu sbièco Tedescu schräg, schief.

«« Torra a chircare