abbisàbbis , avb, agt: Definitzione nau de cosa de papare (pruschetotu cota), chi est a brodu, chi portat abba meda, chi portat suci, chi no est cagiau Sinònimos e contràrios isabbisabbi, suciosu | ctr. cagiau, sciutu Frases cust'arrustu est abbisabbis 2. s'ou est cotu abbisabbis Ètimu srd. Tradutziones Frantzesu juteux Ingresu juicy Ispagnolu jugoso Italianu succóso Tedescu saftig.

abbósu , agt: acuosu Definitzione chi portat abba, nau pruschetotu de frutos chi portant súciu meda, ma fintzes de su tempus in su sensu chi proet fatuvatu; nau de cosa po sa modhesa chi tenet, chi est isabbisabbi, modhe meda agiummai che abba Sinònimos e contràrios suciosu / pioanu | ctr. asciutu, sicu Frases bi at pira abbosa e bi at pira assuta ◊ cust'aràngiu est bellu acuosu 2. ocannu at fatu un'istiu abbosu 3. su mele daghi si betat a su chedhàrgiu, faendho su turrone, depet èssere abbosu Ètimu ltn. aquosus Tradutziones Frantzesu succulent Ingresu succulent Ispagnolu jugoso Italianu succulènto Tedescu saftig.

suciósu , agt: sutzosu Definitzione chi portat o bogat súciu, nau de papares, de cosas de papare Sinònimos e contràrios abbosu, aciuposu, ambulosu Frases arregollit sa figu dulci dulci e sa pruna suciosa ◊ arratza de piricocu suciosu!… Ètimu srd. Tradutziones Frantzesu juteux, succulent Ingresu juicy Ispagnolu jugoso Italianu succóso, sugóso, succulènto Tedescu saftig, saftig.

«« Torra a chircare