arrosciméntu , nm: arruscimentu, orrossimentu Definitzione istrachidúdine o immarritzone mentale o genia de tzatzadura chi si provat a fortza de fàere una matessi cosa o de si agatare sèmpere in d-una matessi manera, matessi logu Sinònimos e contràrios arrosciu, cascariu, coloviamentu, ifadu, impalagamentu, istufonzu, isvilu Frases po s'arroscimentu de sa genti at atuau is fragatas e si nc'est andau! Ètimu srd. Tradutziones Frantzesu saturation psychologique, ennui Ingresu tedium Ispagnolu hartazón Italianu saturazióne psicològica, tèdio Tedescu Überdruß.

crébida , nf, avb Definitzione su crepare, su èssere crepandho, nau prus che àteru de su èssere tzatzaos a meda, a tropu, fintzes a ndhe lassare / èssere a c. = àere manigadu tropu, a bentre crebendhe de su tropu mànigu Sinònimos e contràrios crebaentre, révudu Frases in su campu sa robba est a crébida dai s'erva chi bi est! (G.Ruju)◊ sos porcos sunt a crébida dai sa landhe ◊ in su coju si sunt fatos totu a crébida Ètimu srd. Tradutziones Frantzesu à claquer, à crever Ingresu bursting point (to eat to) Ispagnolu hartazgo, hartazón Italianu crepapància Tedescu unmäßig.

«« Torra a chircare