ferivógu , nm: ferrifogu Definitzione genia de aina po bogare ischintídhias Sinònimos e contràrios bativogu, catzavogu, fogheri Terminologia iscientìfica ans Ètimu srd. Tradutziones Frantzesu briquet Ingresu flint-lock Ispagnolu eslabón Italianu acciarino Tedescu Feueranzünder.

foghéri , nm, agt Definitzione genia de aina po bogare ischintídhias; chi ischintídhiat; chi o chie ponet fogu, ma fintzes abbuloteri Sinònimos e contràrios bativogu, catzavogu, ferivogu / afocazadore, brujadore / bolluzadore Maneras de nàrrere csn: perda foghera = pedra catzavogu, bona pro bogare ischentidhas; iscupeta foghera = fusile 2. bi teniat una moitzola e un'isciu, unu bassinu mannu, unu cadharzu, una perda foghera e troiscu pistau Sambenados e Provèrbios smb: Fogheri Terminologia iscientìfica ans Ètimu ctl. foguer Tradutziones Frantzesu briquet Ingresu flint-lock Ispagnolu eslabón Italianu acciarino Tedescu Feueranzünder.

giòbe , nm: ciopu 1, giobu, lobu Definitzione giru, lobu de cosa (es., filu, fune, codriola) coment'e acapiandho a nodu istrintu o fintzes lenu chi potzat iscúrrere po cassare mescamente animales (ma si narat fintzes in cobertantza po gente); orrugu de sartitzu cun is cabos acapiaos impare; lóriga de cadena Sinònimos e contràrios isciocu, lantu Maneras de nàrrere csn: giobu de càriga = filleri de càriga; parare su giobu = parai su latzu; giobitu de criadura = cosa chi si apicat in trugu a sa criadura pro no àere male Frases upas caratzadas de pídigu parant sos giobes a sa libbertade ◊ a giobu mi l'ant tenta sa crabola (G.Fiori)◊ si che torresit a binza gàrrigu de giobos e comintzesit sa catza de sas puzones ◊ retzas, trobeas, giobos fuo, cantos ndhe preparas tue, trassista! 2. at mandhigadu unu giobu de saltitza ◊ est una cadenita totu a giobitedhos ◊ sa cadena est fata a tantos giobos intrados apare Ètimu ltn. cop(u)lum Tradutziones Frantzesu nœud coulant, lacet, anneau de chaîne Ingresu skipknot, lace, link Ispagnolu lazo, eslabón Italianu càppio, làccio, anèllo di catena Tedescu Schlinge, Kettenglied.

«« Torra a chircare