aciacàdu , pps, agt: ciacadu Definitzione chi istat sèmpere malàidu, débbile Sinònimos e contràrios maladióngiu, malacónciu | ctr. sanu Frases immoi seus bècius e aciacaus Tradutziones Frantzesu maladif Ingresu cachectic, sickly Ispagnolu enfermizo Italianu malatìccio, cachèttico Tedescu kränklich, siech.

allangorídu , agt: langoridu Definitzione nau de ccn., chi istat male de sa debbilesa Sinònimos e contràrios malacónciu, illangoriu Frases su bestiàmine geunu, pili frujadu e allangoridu, est morzendhe de su fàdigu ◊ sos corvos bolant in punta de sas noderas bramendhe calchi pegus allangoridu Tradutziones Frantzesu maladif, asthénique Ingresu asthenic, sickly Ispagnolu enfermizo Italianu malatìccio, astènico Tedescu kränklich, kraftlos.

demàdu , pps, agt: addemmau, demau Definitzione de demare; chi at ingortu dema, maladia, mancari no s’iscat bene ite (podet èssere fintzes arremadiu): si narat de animales magangiaos e malesanos; nau de gente, de salude difetosa, fintzes chi est pagu giustu de conca o, nau de cosa, chi tenet difetu Sinònimos e contràrios demmu, indemau, tunconidu / macu, scimpri | ctr. líaru, sanu Frases seo totu demau: giugo sas nares che unu grifone (T.Cau) 2. mamma tua est morta picinna, singiale chi fiat demada ◊ custa dente est demada, bogannedha!◊ demada no ti fusti dépia coxuare! Ètimu srd. Tradutziones Frantzesu malsain, maladif Ingresu sickly Ispagnolu malsano, enfermizo Italianu malsano, malatìccio Tedescu kränklich.

incimiàu , agt: intzimiau Definitzione chi portat intzimia, neghe, cuménciu de unu male, de maladia; chi at tentu dannu, cumenciau de male Sinònimos e contràrios sentinau, simiau, tacadu, temadu, temósigu, temosu, tunconidu, tzimiadu / scanniu 2. sa làtia, própiu cussa a follas mannas, est sa prus incimiara de s'incuinamentu ◊ torru, o Sardigna intzimiara, a sa tita tua múllia, istancu e arreulau (E.Collu)◊ su corpus dh'allogu intzimiau in d-unu siléntziu fatu de arrinnegu Ètimu srd. Tradutziones Frantzesu maladif Ingresu affected, damaged Ispagnolu enfermizo, lesionado Italianu colpito, lesionato Tedescu ungesund, beschädigt.

indemàu , agt Definitzione chi at ingortu atema, temiadu, chi tenet calecuna mància in sa salude: si narat de is animales magangiaos o malesanos Sinònimos e contràrios demadu, incimiau, tacadu, temósigu, temosu, tunconidu | ctr. sanu, líaru Ètimu srd. Tradutziones Frantzesu malsain, maladif Ingresu unhealthy, affected Ispagnolu enfermo, enfermizo Italianu malsano, colpito Tedescu ungesund.

magagnósu , agt: magangiosu, maganzosu Definitzione chi tenet tema, mància, calecunu pecu a sa salude; fintzes chi portat trassas, nau de gente Sinònimos e contràrios aciacosu, maladióngiu, malesanu, tacadu, temósigu, temosu, tunconidu, tzimiliosu / malissiosu | ctr. líaru, sanu Frases totu sa genti magangiosa est in custu logu! Ètimu srd. Tradutziones Frantzesu maladif, malsain Ingresu sickly Ispagnolu enfermizo Italianu malsano Tedescu kränklich.

maladióngiu, maladiónzu , agt: malaidognu, malaidòngiu, malaidonzu, mararióngiu, mobadióngiu Definitzione chi est unu pagu malàidu, chi patit calecunu male fintzes si no malu o grave, chi s'immalàidat dónnia tanti, chi est pagu sanu Sinònimos e contràrios aciacosu, iscunsertu, magagnosu, malaiditzu, malaidosu, malantzidu, malesanu, scuncordadatzu, tacadu, temósigu, temosu, tunconidu, tzimiliosu | ctr. sanu Frases is pipius in tempus de fàmini e de abbisóngiu crescint malaidòngius e tristus ◊ cussu depit istai mararióngiu e su coru no at achipiu totu s'amori… Ètimu srd. Tradutziones Frantzesu maladif, souffreteux Ingresu ailing Ispagnolu enfermizo Italianu malatìccio Tedescu kränklich.

malaidósu , agt: malavidosu Definitzione chi o chie est pagu sanu, tenet neghe a sa salude Sinònimos e contràrios aciacosu, maladióngiu, tunconidu | ctr. sanu Frases sas àmbrias de sa cambigana, frigadas che una pumada in sa parte malaidosa, faghent bene pro sos dolores romàticos ◊ sa pitzinna fit minujedha e malavidosa, ma candho giuchiat su bundhu no resessiant a la mantènnere ómines mannos ◊ su maridu fit semper malaidosu e si che li fit mortu Tradutziones Frantzesu maladif, souffreteux Ingresu sickly Ispagnolu enfermizo Italianu malatìccio Tedescu kränklich.

temósigu , agt Definitzione chi at buscau o ingortu tema, chi s'immalàidat cun facilidade Sinònimos e contràrios aciacosu, magagnosu, maladióngiu, malesanu, tacadu, temosu, tunconidu, tzimiliosu, tzemiosu Ètimu srd. Tradutziones Frantzesu chancelant, délicat Ingresu sickly Ispagnolu enfermizo Italianu cagionévole, infermìccio Tedescu kränklich.

tunconídu , agt: tuncuniu Definitzione chi at ingortu tema, chi est pigau de calecunu male (fintzes malàidu meda), nau de sa carena e de s'ànimu puru; fintzes tristu, a tzúnchios de dispraxere Sinònimos e contràrios aciacosu, demadu, ferosu, maladióngiu, malesanu, pisimau, tacadu, temósigu, tzimiliosu, tzutzunidu / annicadu, annozadu, triltu / malàdiu, màlturu | ctr. sanu Frases est tunconidu e no at apetitu ◊ est ghirada afannada ca fit semper mesu tuncunia ◊ tuncunia e a filupendhe, est morta azicu apustis ◊ sa zente tuncunia est isetandhe su beranu ◊ boches, lamentos, prantu ispapajau prenabant su bichinau tuncuniu ◊ tenet una fiza tunconida, marturiada in sa carena barant'annos 2. totus aiant cumpresu chi Elias fit tuncuniu, indiosau de sa connada Ètimu srd. Tradutziones Frantzesu maladif, chancelant Ingresu ailing Ispagnolu enfermizo Italianu malatìccio, cagionévole Tedescu kränklich.

tzimiliósu , agt Definitzione chi tenet neghe a sa salude, chi est tzimiadu Sinònimos e contràrios aciacosu, magagnosu, maladióngiu, malesanu, tacadu, temósigu, temosu, tunconidu Ètimu srd. Tradutziones Frantzesu maladif Ingresu sickly Ispagnolu enfermizo Italianu infermìccio Tedescu kränklich.

tzotzídu , pps, agt: tzutzidu Definitzione de tzotzire; nau de s'ou, chi est frochiu o fintzes isciaculadori, guastu; nau de gente, chi est intzimiau, pigau de ccn. male Sinònimos e contràrios crochidu / incimiau, sentinau, temadu, tunconidu Tradutziones Frantzesu couvé, couvi, maladif Ingresu brooded, sickly, rotten egg Ispagnolu empollado, enfermizo Italianu covato, barlàccio Tedescu ausgebrütet, faules Ei, faulig.

«« Torra a chircare