lampalúche, lampalúghe, lampalúgi, lampalúxi , nm: lampeluxi, lampiluche, lampoluche Definitzione sa fràmula chi faet su fogu (o fintzes àteru), chi segundhu de comente tenet faet prus o prus pagu lughe, a lampadas: si podet nàrrere fintzes in su sensu de lughe paga, filu de lughe, chi no lassat bíere bene, chi andhat e benit / avb. a l. = mandai lampaluxis, a lampizadas, a s'atzendhe e mori, itl. baluginare Sinònimos e contràrios moristuda, pampaluge, stampaluxi, tzampaluche Frases su brigadieri fut carriau de medàllias e comenti caminàt faiant su lampaluxi ◊ a piciochedhus s'ispassiastis a fai su lampaluxi cun arrogus de isprigu ◊ si biriat su lampeluxi de is bombas 2. a lampaluxi su mengianu femus arribbaus giai a Déximu ◊ si bidiat su focu a lampaluche ◊ cuss'ómini bidiat a lampaluxi e si est postu a passai is binàrius Ètimu srd. Tradutziones Frantzesu lueur Ingresu flash (ing), dim light Ispagnolu centelleo Italianu lampeggiaménto, baglióre, barlume Tedescu Funkeln.

luchidòre , nm: luchiore, lughidore Definitzione su lúghere, su giare unu pagu de lughe, su èssere lughente, fintzes in su sensu de tènnere cosa, èssere erricos Sinònimos e contràrios lucore, lucura, lughentore, lughia, lutzigore Frases a sa pitzinna li sunt torradas sas fortzas e su luchidore in totu sa carena 2. fint totu merighedhos chentza cabu chi no faghent progressu e lughidore Ètimu srd. Tradutziones Frantzesu lueur Ingresu glitter Ispagnolu centelleo, resplandor Italianu luccicóre Tedescu Geglitzer.

«« Torra a chircare