àrna , nf: àrnia, àrrana, àrrina Definitzione greme o bobboi papalana chi ponet a s’orrobba chistia e dha paschet, o fintzes a sa linna, a su paperi Sinònimos e contràrios àrrala, arrentza, càmula 1, carignàtula, lanasta, papagalledhu, tingiolu Frases si dh'at papau s'arna ◊ s'àrrina at móliu sa linna Terminologia iscientìfica crp, tinea tapetzella, anobium pertinax, upm Ètimu ctl. arna Tradutziones Frantzesu teigne, mite Ingresu moth Ispagnolu carcoma, polilla Italianu tignòla Tedescu Motte.

carignàtula , nf Definitzione genia de bobboi chi ponet a sa linna bècia Sinònimos e contràrios arna, àrrala, arrentza, càmula 1, degodia, lanasta, papagalledhu, tingiolu, zannarolu, tzerrone Frases de custa peta no bi ndhe mandhigades… ancu bos si màndhighet sa carignàtula! (S.Patatu) Terminologia iscientìfica crp Ètimu crsn. caragnattulu Tradutziones Frantzesu ver (rongeur) Ingresu wood-worm Ispagnolu carcoma Italianu tarlo Tedescu Holzwurm.

popoíne , nm: pupúghine, pupuine, pupúine, pulpúina, pulpuine, purpuine, purpúine Definitzione coment'e farra de linna, pruine, su chi faent is gremes chi si dha papant candho est bècia; sa camisedha de su granu de su trigu Sinònimos e contràrios farrixedha, farrúcia / cugudhau Maneras de nàrrere csn: falàresi a popoine = afarratzaisí, o fintzas (fuedhendi cun feli) abarrai sétziu a tropu sentz'e fai nudha; lébiu che p. = lébiu meda Frases atentos: s'iscala at postu purpuine, falade a pianu! ◊ s'aradu de linna est totu faladu a pupuine ◊ nois semus sennores, bois pupúghine e garzales 3. tota die faladu a popoine, in cue: bae a fàghere carchi cosa! Tradutziones Frantzesu vermoulure Ingresu wormhole Ispagnolu carcoma Italianu tarlatura Tedescu Wurmstich, Holzmehl.

zannarólu , nm Definitzione genia de bobboitedhu chi si papat sa linna e dh'istampat, totu Sinònimos e contràrios carignàtula, degodia, tàralu, tzerrone, zànnaru Terminologia iscientìfica crp Ètimu ltn. *ciarolum + zanna Tradutziones Frantzesu ver (rongeur) Ingresu woodworm Ispagnolu carcoma Italianu tarlo Tedescu Holzwurm.

«« Torra a chircare