cannòne , nm: cannoni Definitzione canale, tubbu chi dhu'essit o passat abba (ma fintzes de sa geminera po nche bogare su fumu); orrugu de linna tundhu e lisu po tèndhere pasta; genia de arma manna Sinònimos e contràrios càntaru, grifone 1 / cannedhu Maneras de nàrrere csn: c. de astrau = candhelatzu; cannones de neuledha = zenia de durches; c. de òrganu = canna de òrganu; linna a c. (cussiderada menzus)= linna de sas naes, a segadura de rugadis tundha, diferente de s'ascra; c. de iscupeta o de fusile = sa canna Frases est andhadu a chircare abba e agatat in sicu dogni cannone ◊ totus prenint is màrigas asuta de su cannoni ◊ custas sunt abbas chi ndhe istupant a cannone ◊ is cannonis nostus serbint po ndi pinnigai s'abba de crobeta 2. su cumassu cariadu cheret incannonadu cun su cannone ◊ pigat unu cannone de linna e lu tirat felosu a unu ◊ pisedhos, deo ischio sos macarrones: bois los abberides e los cumponides chi no essat s'unu dae s'àteru, sinono assazades su cannone! 3. si bidet lampendhe, s'intendhet tronendhe cale tiros potentes de cannones (B.Piga)◊ su cannoni fait unu zúmmiu ◊ sos cannones, o de goi o de gai, su prus dannu l’ant fatu sèmpere a sos pòberos Sambenados e Provèrbios smb: Cannone Ètimu srd. Tradutziones Frantzesu canon Ingresu cannon Ispagnolu cañón Italianu cannóne Tedescu Kanone.

cànone , nm: cànoni Definitzione régula, norma de lei; cantu si pagat de afitu Tradutziones Frantzesu canon Ingresu rule, rent Ispagnolu canon Italianu cànone Tedescu Regeln, Mietzins.

tiravúmmu , nm Definitzione genia de tubbu o canna larga meda (cannone) po ch'essire o bogare su fumu de ue si faet su fogu Sinònimos e contràrios fumajolu Frases is zumineras de is domus portant su tiravummu Ètimu srd. Tradutziones Frantzesu conduit de fumée Ingresu flue Ispagnolu cañón de chimenea Italianu canna fumària Tedescu Rauchfang.

«« Torra a chircare