Ditzionàriu in línia
de sa limba e de sa cultura sarda

brigliài, brigliàre , vrb: brillai, brillare Definitzione su èssere lúghidu, su giare o mandhare coment'e lughe meda, pampada, nau de una cosa Sinònimos e contràrios grigliare, lúchere, lutzigare, prelliai Frases brígliat de bonu ardore dogni foghile ◊ giogu de madrepellas totu a intàgliu in sas doradas cordas piús brígliat (Cubeddu)◊ brígliant sas fiamaridas in s'iferru Ètimu spn., itl. Tradutziones Frantzesu briller Ingresu to shine Ispagnolu brillar Italianu brillare Tedescu glänzen.

grigliàre , vrb Sinònimos e contràrios brigliai*, lúchere, prelliai Frases grigliendhe a festa si che intrat su sole ◊ grígliat paghe e vida tra bélidas e sonizos de campagna fiorida ◊ sos nebodedhos li grígliant in giru a ciascu e festa ◊ grígliant in giru músicas e rimas in su santu trabàgliu e in s'isóriu (P.Casu) Tradutziones Frantzesu briller Ingresu to shine Ispagnolu brillar Italianu brillare Tedescu glänzen.

lutzigàre , vrb Definitzione èssere lughente Sinònimos e contràrios lúchere 2. giughet sas iscarpas totu lutzigadas Ètimu srd. Tradutziones Frantzesu scintiller, briller, luire, miroiter Ingresu to sparkle Ispagnolu brillar, resplandecer Italianu luccicare Tedescu glitzern.

prelliài, prelliàre , vrb Definitzione lúghere che pèrela, giare o mandhare coment'e lughe Sinònimos e contràrios brigliai, grigliare Frases sa follixedha nascendi candu essit a sa luxi prélliat e parit chi preghit! ◊ de cantu fit curiosu li prelliaiant sos ogros Tradutziones Frantzesu briller Ingresu to shine Ispagnolu brillar Italianu brillare Tedescu glänzen, strahlen.