ammíru , nm Definitzione
su ammirare, su castiare cun apentu; cosa (ma fintzes gente) bella o bona meda a bíere, a dh'abbaidare o de istimare, de abbilesa manna
Sinònimos e contràrios
càstiu
/
ammirassone
/
abbaju,
addoru
Frases
su bestiàmine chene s'ammiru de su pastore podet andhare a logu de fàghere dannu ◊ los amus bene osservados: e cantu semus istados tratesos in cuss'ammiru!…
2.
de totu sias s'ammiru! ◊ cussa ratza de pudhas crionzanas sunt un'ammiru! ◊ sas badhes nostras sunt logos de ammiru ◊ cussa pitzoca est un'ammiru de cantu est bella!
Ètimu
srd.
Tradutziones
Frantzesu
admiration
Ingresu
admiration
Ispagnolu
admiración
Italianu
ammirazióne
Tedescu
Bewunderung.
ispàntu , nm: spantu Definitzione
su abbarrare agiummai coment'e chentza crèdere biendho o intendhendho cosa chi no si pentzaiat o no si ibertaiat; cosa chi po sa bellesa, mannària o àteru de istraordinàriu faet ispantare, meravigiare o fintzes a tímere / i. chi… (nau certendi a unu) = no fait própiu ispantu ca est chistioni de sempri
Sinònimos e contràrios
abbengu,
abberelu,
amostu,
ispapatu,
maravíglia
/
asciuconu,
paura,
timoria
Frases
ndi ant a nai is ispantus in celu e in terra de su sàngui miu ◊ Vírgine santa de lughe bestida, sos séculos ti ammentant cun ispantu! (A.Loy)◊ mi parit ispantu chi no nci siat nisciunus (A.Garau)◊ at una manuza fatendhe sa durcheria chi est un'ispantu! ◊ s'ispantu meu est comente at fatu a fàghere totu cussu tretu in gai pag'ora a pè!
2.
in sa Sardigna nostra bella tantu bi at unu tassu de talassemia, percentuales chi faghent ispantu ◊ sa morte ghetat ispantu ube colat ◊ pro l'iscadhare fàgheli unu tiru mancari puru siat a ispantu (G.Raga)
3.
ispantu, chi rues…, irdeortu! ◊ ispantu chi ti ch'essis a ziru…, rundhellu!
Ètimu
spn.
espanto
Tradutziones
Frantzesu
étonnement
Ingresu
astonishment,
surprise
Ispagnolu
admiración,
asombro
Italianu
meravìglia,
sorprésa,
stupóre,
sbalordiménto
Tedescu
Verwunderung,
Erstaunen,
Überraschung,
Verblüffung.