fodhíne, fodhíni , nm: podhini Definitzione cosa niedha de fumu, coment'e pruine finivini, chi faet su fogu pruschetotu segundhu ite si abbruxat; est una maladia de su trigu puru Sinònimos e contràrios fumàdigu, mascara, sintziedhu, sintziniedhu Frases sa farra de su tiàulu est fodhini Ètimu ltn. fulligine(m) Tradutziones Frantzesu suie Ingresu soot Ispagnolu hollín Italianu fulìggine Tedescu Ruß, Steinbrand, Schmierbrand.

fumàdigu , nm: fumàrigu, fummàdiche, fummàdicu Definitzione fumu, materiale niedhu chi abbarrat chentz’e abbruxare deunudotu, de sa linna, si ndhe andhat in fumu e si apicigat in su fumajolu e faet fintzes a pígiu grussu / istare in mesu de su fumàdigu = bíviri in poberesa Sinònimos e contràrios fodhine, fumacucau, mascara, màticu, sintziedhu, sintziniedhu / cdh. fumàticu Frases su fumajolu est prenu de fumàdigu ◊ mi bidiat chin sos pódhiches niedhos de fummàdiche (A.Deplano)◊ sa bècia dh'acumpàngiat a sa domixedha sua totu fumàdigu ◊ su fumàrigu faet is muros niedhos Ètimu ltn. *fumaticu(m) Tradutziones Frantzesu suie Ingresu soot Ispagnolu tizne, hollín Italianu fulìggine Tedescu Ruß.

intentiedhàre , vrb: intintiedhare, intitibedhare, intitiedhare, intzintziedhare, intzitzivedhare Definitzione pònnere, frigare o picigare tzintziedhu (es. in cara, a carrasegare, a giogu), imbrutare de tzintziedhu Sinònimos e contràrios ammascarai, imberdonare, infodhinai, tintiedhare Frases su fumu de su fogu intitiedhat s'isterzu 2. si divertiat a machine bidendhe sa zente intintiedhada ◊ est totu intitiedhada chi paret essida dae fraile! Ètimu srd. Tradutziones Frantzesu noircir de suie Ingresu to soil with soot Ispagnolu tiznar Italianu sporcare di fulìggine Tedescu mit Ruß beschmutzen.

tentiédhu , nm: sintziedhu, tintiedhu (su t. = nr. sutintiédhu) Definitzione tzintziedhu, cosa niedha de fumu, a bisura de pruine fine fine, chi faet su fogu mescamente segundhu ite o comente si abbruxat Sinònimos e contràrios fodhine, fumàdigu, mascara, sintziniedhu, titibedhu* Tradutziones Frantzesu suie, noir de fumée Ingresu soot Ispagnolu tizne, hollín Italianu fulìggine, nerofumo Tedescu Ruß.

«« Torra a chircare