Legenda Incurtzaduras | Legenda Sìmbulos

arénsia, aréntzia , nf: eréntzia*, rénsia Definitzione totu is parentes, is mannos, e fintzes sa cosa, s'interessu chi tocat a is minores de parte de is mannos; si podet nàrrere fintzes de su patrimóniu genéticu o intzimia ereditària de s’organísimu, de totugantu su chi a sa carena ndhe dhi dipendhet de s'eréntzia Sinònimos e contràrios aredeu, arrampile, arrépula, famíglia Frases sas perdas de samunae in s'arriu fuint azummai lísias: chissai cantas aréntzias de féminas dhue ant frigau pannos! Tradutziones Frantzesu lignée, génération Ingresu progeny Ispagnolu dinastía, herencia, hereditabilidad Italianu dinastia, eredità, ereditarietà Tedescu Dynastie, Erbfolge, Erblichkeit.

prutzénia , nf: pruxénia, pruzénia, pruzínia, pulzénia, purzénie Definitzione sa gente coment'e genia, po comente est intrada apare in parentella e dipendhet de is antepassaos, nau fintzes po cosa o gente etotu de dispretziare po su malu fàere o su chi tenet de malu Sinònimos e contràrios aredeu, arénsia, arràcia, arrampile, arrépula, eréscia, frugénia, iscrípia, istripa, istripile Frases sa pulzénia umana ◊ no creia chi arriviat a tantu custa pulzénia maligna! 2. tue, o Luna, no ndh'ischis de custas prutzénias e mandhas sa luche pro totu e no miras a chie ◊ sa càusa de totu custu la tenet sa pruzénia romana Tradutziones Frantzesu descendants Ingresu progeny Ispagnolu linaje, progenie Italianu progènie Tedescu Geschlecht, Gesindel.

rébula , nf: arrémpula, rémpula, répula Definitzione foedhandho de personas, de animales e cosas, si narat prus che àteru a disprétziu po aredeu, arratza / ómine, fiadu, de répula bona, mala; segàresi de una r. = èssere de sos…, de s'arereu de… Sinònimos e contràrios aredeu, arénsia, arràcia, arrampile, eréscia, iscrípia, istripa, istripile, repulia / ttrs. répura Frases sa lànsana est de sa répula de s'armurata ◊ no ti ndhe ammentas fizu de chie ses, de cale répula? (P.Giudice Marras)◊ est un'animaledhu de una rébula diferente ◊ arródiant in sas aeras abbilastros de onzi répula ◊ cussu faghet gai ca lu tenet de répula ◊ su sambenadu distinghet sas répulas ◊ isse pesat una trallallera ca est de répula campidanesa 2. tantu za si segant de sa menzus répula, cussos!… Tradutziones Frantzesu race Ingresu progeny Ispagnolu casta Italianu genìa Tedescu Sippe, Stamm.

«« Torra a chircare