Ditzionàriu in línia
de sa limba e de sa cultura sarda

afrèa , nf Definitzione su càncaru chi benit a is músculos e dhos faet intostare giaendho dolore forte Sinònimos e contràrios càncara, ranchine Ètimu srd. Tradutziones Frantzesu spasme Ingresu pang, spasm Ispagnolu retortijón, espasmo Italianu spàsimo, spasmo muscolare Tedescu Krampf.

dóliu 1 , nm Definitzione genia de dolore, fintzes dispraxere mannu Sinònimos e contràrios dabori, punta 1 / dolorias, pispinidura Frases rughet a terra a dólios fortzicàndhesi che colobra Ètimu srd. Tradutziones Frantzesu douleur de l'accouchement Ingresu pang Ispagnolu dolores Italianu dòglia Tedescu Schmerz, Weh, Leid.

dolorída , nf Definitzione punta de dolore forte / èssere a doloridas = tènniri puntas de dolori Sinònimos e contràrios astile Terminologia iscientìfica mld Tradutziones Frantzesu douleur, douleur aiguë Ingresu stitch pang Ispagnolu punzada Italianu fitta Tedescu Stich.

regíru , nm: reziru Definitzione su regirare, genia de ammàchiu, de dispraxere mannu, de pentzamentu chi no lassat asséliu po ccn. cosa chi si disígiat o chi no est andhada bene (pruschetotu in chistiones de amore) Sinònimos e contràrios dellíriu, dischíssiu / cdh. riciru Frases a fortza de preguntas, prenetas e regiros so reséssidu a bídere ue fint ◊ pupa, candho naras "Mamma!" pones a mamma in regiros! (G.Raga)◊ cun totu no mi atrivo, bell'e chi vivo cun tantu regiru ◊ tue ses cudha chi at postu in regiros a mie! Ètimu srd. Tradutziones Frantzesu chagrin d'amour Ingresu pang Ispagnolu cuita, pena Italianu spàsimo Tedescu Qual.