abbeltúra , nf: abbertura, abertura, apertura, obertura Definitzione su apèrrere; tretu in is muros lassau apostadamente apertu e fatu de dhue pòdere pònnere tancadura, serru (genna, fentana); genia de serru (ghenna, fentana) de pònnere a serrare is aperturas; genia de isperradura chi si faet a sola in muros e linnas Sinònimos e contràrios abberta, afiladura Frases in donzi aposentu bi cheret s'abbertura sua pro intrare ària e lughe, a sa domo 2. sas abberturas pro sa domo mi las est faghindhe su mastru de linna 3. sas abberturas de sa linna cherent tupadas pro si parrer prus pagu Ètimu srd. Tradutziones Frantzesu ouverture Ingresu opening Ispagnolu apertura, abertura Italianu serraménto Tedescu Türen und Fenster, Öffnung.

atàcu , nm Definitzione su betare manos, su lòmpere a ccn. o a calecuna cosa po dhi fàere male / èssere a atacos (nadu de malàidu) = èssiri fatuvatu a puntas de dolori chi passat e torrat Sinònimos e contràrios acirrada, acollada, arrebatu, assuprida, colpu, lómpia Frases pro sa parte mia, contat bissa e lis damus s'atacu! ◊ Totoi in porta fit Zoffo, Cedhedhu a s'atacu Pratiní ◊ su coronellu at donau s’órdini a su batallioni de fai s’atacu 2. candho su coro in cadena si parat forte a s'atacu faghet isfortzos de macu (Pinna)◊ mamma est tota die a atacos de coro ◊ candho dhi beniant is atacos de su male faiat nígridos pariat unu cuadhu!◊ li at bénnidu un'atacu de cólica renale ◊ fut in sa timmoria de no dhi benni cancu atacu a su coru Ètimu itl. Tradutziones Frantzesu attaque Ingresu opening, attack Ispagnolu ataque Italianu attacco Tedescu Angriff.

buchèra , nf Definitzione sa buca, s'intrada de calecuna cosa, sa leada de s'abba in is coras, in is surcos Sinònimos e contràrios buca, imbucu Frases sa buchera de sa funtana ◊ de is maingas de su giponi, in sa buchera, ispuntant is polànias de sa brusa ◊ serra sa buchera ca s'àcua est acanta de scassai! Ètimu srd. Tradutziones Frantzesu embouchure Ingresu opening Ispagnolu boca, embocadura Italianu imboccatura Tedescu Öffnung, Eintritt.

spiradéru , nm Definitzione genia de apertura pitica in sa domo po che fàere essire fumu o cambiare s'ària Sinònimos e contràrios isperada, isperaxolu, poltellitu Ètimu spn. respiradero Tradutziones Frantzesu soupirail Ingresu small opening Ispagnolu resquicio Italianu spiràglio Tedescu Spalt.

«« Torra a chircare