arramài , vrb: arramare, arromai, arromari, ramai Definitzione pònnere sida frisca, cambos, frores e àteru in crésia, in is portales, in is orrugas, fintzes a betadura in terra, po is festas ue passat sa crufessone cun su santu Frases eus segau prunica po arromari is bias innantis de passari sa prucissioni 2. arromai s'arau po fai mellus is surcus Ètimu ctl. enramar Tradutziones Frantzesu couvrir de feuillages Ingresu to cover with branches Ispagnolu enramar Italianu infrascare Tedescu mit Zweigen bedecken.

cràchi , nm: cràchibi, cràchili, cràchini, cràchiri Definitzione matedu bàsciu e cracu, tibbiu, logu prenu de linna a cracu, prus che àteru de tupas ma fintzes de matas mannas Sinònimos e contràrios bedutzu, cascaràgliu, crachiredhu, craxili, frascarzu, lita, mateda, màtula 1, molalzu, stovina, tèpere 1, tuparzu, tupedu / cdh. tziresa Maneras de nàrrere csn: lassai a unu in campu e in c. = lassare a unu solu, totinduna, a si arranzare, lassare cun trinta e cun baranta, itl. piantare in asso; èssiri totu in campu e in c. = èssere abbertu in campu, totu in abbertu Frases funt cràchiris mannus cun cerbus, murvonis e sirbonis ◊ seu passau in rocas liscinosas e cràchinis de tiria (A.Casula)◊ depeus andai a cussu crachixedhu a dhu scampiai Terminologia iscientìfica slg Ètimu srd. Tradutziones Frantzesu maquis, bois Ingresu ground with branches Ispagnolu hojarasca, espesura Italianu frasconàia Tedescu Gezweig.

sída , nf: sira 1, sita Definitzione is naes piticas de is matas, cussas chi portant is cambighedhos prus fines cun sa fògia: a logos si narat fintzes po nae e bastat e in calecun'àteru po sirba / min. siditedha Sinònimos e contràrios scoma Maneras de nàrrere csn: sidixedha = coma, chimas, rampos fines; segare s. a bestiàmine = assidare; segare sida a unu (in suspu) = pònniri cuadhu in faci a ccn., fai mellus de issu, su dhu bínciri in calincuna cosa Frases nau ca no teneis mancu una sida de linna! ◊ sa sida sicada est bella po fogu ◊ in su giassu poneus una sida ca nci essit su bestiàmini ◊ gheto sida a su mascru po si la mandhigare ◊ su pastore àrtziat a s'àrvore e secat sita a sa robba 2. sa vàtica est cumintzandhe a istèrrere sa sida 3. si ti pones cun cussu ti segat sida!… Sambenados e Provèrbios smb: Sida Terminologia iscientìfica rbr Tradutziones Frantzesu ramée, branchage Ingresu branches Ispagnolu ramaje Italianu frascame Tedescu Zweige.

«« Torra a chircare