abiàlzu , nm: abiàrgiu 1, abiarzu, abriaxu, apeàrgiu, apearju, apiarju Definitzione genia de aprigu (o istrégiu) a bisura de túmbaru o de cascita fatu apostadamente po s'abe; logu, tretu ue si ponent is casidhos, prus che àteru in logu chi no dhi tocat bentu meda, logu solianu Sinònimos e contràrios bugnu, caidhu, casa, mógiu, moitedhu / casidhaju, casidhera Frases sa lestra abiana faghet catza in s'abialzu ◊ sa múghida coment'e de apiarju dae largu s'intendhet tretu meda 2. passeint sos annos de pitzinnia e gioventura in s'abialzu Terminologia iscientìfica sbs Ètimu ltn. apiariu Tradutziones Frantzesu ruche Ingresu beehive Ispagnolu colmena Italianu alveare Tedescu Bienenstock.

càsa , nf Definitzione abiàrgiu, casidhu, su niu chi faet s'abe in is tuvos de is matas o de orrocas, o fintzes àteru bobboi chi faet mele / min. casedha Sinònimos e contràrios istallu 1 / abialzu, bugnu, caidhu, mógiu, moitedhu Frases una borta e dua ndhe li apo intesu, a babbu, de contos de casas de abe!…◊ su muscone, si li forroxant sa casa, si difendhet cun rejone! ◊ lis mustresit s'abe in sas casas Sambenados e Provèrbios smb: Casa, Casas Terminologia iscientìfica sbs Tradutziones Frantzesu nid d'abeilles Ingresu beehive Ispagnolu panal de abeja Italianu nido delle api Tedescu Bienennest.

casidhèra , nf Definitzione logu, tretu ue funt postos is casidhos, ortu de abes o de is casidhos / abe casidhera = abe de casidhu Sinònimos e contràrios abialzu, casidhada, casidhaju Frases sas casidheras nostras produint bellu mele ◊ s'abe muizat in sas casidheras ◊ cussu tenet dinari in banca, berveghes, casidheras, binzas e ortos Terminologia iscientìfica sbs Ètimu srd. Tradutziones Frantzesu rucher Ingresu beehive Ispagnolu colmenar Italianu apiàrio Tedescu Bienenkorb.

«« Torra a chircare