maladióngiu, maladiónzu , agt: malaidognu, malaidòngiu, malaidonzu, mararióngiu, mobadióngiu Definitzione chi est unu pagu malàidu, chi patit calecunu male fintzes si no malu o grave, chi s'immalàidat dónnia tanti, chi est pagu sanu Sinònimos e contràrios aciacosu, iscunsertu, magagnosu, malaiditzu, malaidosu, malantzidu, malesanu, scuncordadatzu, tacadu, temósigu, temosu, tunconidu, tzimiliosu | ctr. sanu Frases is pipius in tempus de fàmini e de abbisóngiu crescint malaidòngius e tristus ◊ cussu depit istai mararióngiu e su coru no at achipiu totu s'amori… Ètimu srd. Tradutziones Frantzesu maladif, souffreteux Ingresu ailing Ispagnolu enfermizo Italianu malatìccio Tedescu kränklich.

tunconídu , agt: tuncuniu Definitzione chi at ingortu tema, chi est pigau de calecunu male (fintzes malàidu meda), nau de sa carena e de s'ànimu puru; fintzes tristu, a tzúnchios de dispraxere Sinònimos e contràrios aciacosu, demadu, ferosu, maladióngiu, malesanu, pisimau, tacadu, temósigu, tzimiliosu, tzutzunidu / annicadu, annozadu, triltu / malàdiu, màlturu | ctr. sanu Frases est tunconidu e no at apetitu ◊ est ghirada afannada ca fit semper mesu tuncunia ◊ tuncunia e a filupendhe, est morta azicu apustis ◊ sa zente tuncunia est isetandhe su beranu ◊ boches, lamentos, prantu ispapajau prenabant su bichinau tuncuniu ◊ tenet una fiza tunconida, marturiada in sa carena barant'annos 2. totus aiant cumpresu chi Elias fit tuncuniu, indiosau de sa connada Ètimu srd. Tradutziones Frantzesu maladif, chancelant Ingresu ailing Ispagnolu enfermizo Italianu malatìccio, cagionévole Tedescu kränklich.

tzutzunídu , agt Definitzione chi est pigau de ccn. male, chi s'intendhet male Sinònimos e contràrios demadu, incimiau, pisimau, tacadu, tunconidu | ctr. líaru, sanu Tradutziones Frantzesu souffreteux Ingresu ailing Ispagnolu enfermucho, enfermizo Italianu malazzato Tedescu kränklich.

«« Torra a chircare