crabiòne , nm: crabioni, crapione Definitzione su frutu (ma in realtade est su frore) de su crabuvigu, e de sa figu candho est ancora piticu e no at mancu cumenciau a ufrare po còere, fintzes figu chi no est cota o no est cota bene (e po cussu bogat 'late' bodhindhodha); in cobertantza, is titas de is piciocas candho funt apenas cumenciandho a crèschere; a logos est sa mata de sa figu areste o figu cràbina Sinònimos e contràrios abrione, cardafu, cau 1, cardassu, perchinzone, ufrone / cdh. caprioni / calbuvigu Frases sas figos ocannu zughent crabione meda ◊ sa figu de tríulas at bogadu pagu crabione ◊ lassa su crabione e bodhi sa figu bene cota ebbia! ◊ sos pisedhos si ndhe sunt bodhindhe sa figu a crabione ◊ sa figu si ch'est falada candho fit ancora a crabione Terminologia iscientìfica rbr Ètimu ltn. ficus caprius Tradutziones Frantzesu sycone Ingresu syconium Ispagnolu siconio Italianu sicònio Tedescu Feigenblüte.

púpu 1 , nm Definitzione sa figu apenas chi si cumènciat a bíere e po cantu est crua Sinònimos e contràrios crabione, perchinzone Frases a santu Zubanne de làmpadas si biet su pupu de sa ficu predinzana… ◊ a bortas ruet innantis su pupu chi no sa ficu Terminologia iscientìfica rbr Tradutziones Frantzesu sycone Ingresu syconium Ispagnolu higo no maduro Italianu sicònio, fico immaturo Tedescu Feigenblüte, unreife Feige.

«« Torra a chircare