balossímini , nm Definitzione cosa o fatura de balossos, de ballalloes Sinònimos e contràrios balossada, fertúmene, tonteria, tortidúghine | ctr. abbiléntzia, abbistesa Ètimu srd. Tradutziones Frantzesu stupidité, bêtise Ingresu foolishness Ispagnolu estupidez Italianu stupidità, cretinerìa, citrullàggine Tedescu Blödsinnigkeit.

isentíghine , nm Definitzione su èssere isentos de conca, de crebedhos, su pecu de chie est isente a conca Sinònimos e contràrios isempiúmene, isentúmine Ètimu srd. Tradutziones Frantzesu déficience, stupidité Ingresu deficiency, idiocy Ispagnolu imbecilidad Italianu deficiènza, imbecillità Tedescu Dummheit.

tontedàde , nf: tontidade, tontidadi Definitzione su èssere tontos, pagu abbistos; cosa o fata de tontos, fintzes cosighedha de pagu contu, de perunu importu, fata chentza pentzare Sinònimos e contràrios abborrigada, molentada, tontesa, tontímine | ctr. abbistesa, inteligéntzia Frases galu como m'irfríghino sa tontedade mia chi mi at illuinau che sole de tríulas 2. at fatu una tontidadi aici manna chi nc'istrumpat un'ómini a cuadhu! ◊ s'ómini prus sàbiu ndi fait assumancu una a sa dí, de tontidadi 3. a fai cussu trabballu est una tontidadi Ètimu spn. tontedad Tradutziones Frantzesu stupidité, bêtise Ingresu dullness, joke Ispagnolu torpeza, tontería Italianu ottusità, cretinata Tedescu Stumpfheit.

tontèsa , nf Definitzione su èssere tontos; cosa o fata de tontos, cosighedha de pagu importu Sinònimos e contràrios balossímini, mincioneria, tontedade, tontímine / abborrigada, balossada, molentada | ctr. abbistesa, inteligéntzia Frases seus prenus de sordi, de tontesa e mabiori 2. at fatu sa tontesa de andai a comporai unu matzu de pedrusèmini cun d-unu assegnu ◊ solu a dhu pentzai est una tontesa chi unu bremi de terra cambit su destinu (Lai) Ètimu srd. Tradutziones Frantzesu stupidité, bêtise Ingresu stupidity Ispagnolu tontería Italianu stupidità, cretinerìa, baggianata, fesserìa Tedescu Dummheit.

«« Torra a chircare