cautèla , nf: cautella, gautella Definitzione s'atentzione manna chi si dhue ponet innanti de fàere e po fàere una cosa, mescamente de importu o de perígulu (ma fintzes tentatzione de s'inimigu); gosu puru 2. s'àngelu de sa guàrdia mi fatzat sentinella e non arrua in cautella de su tentadori! Tradutziones Frantzesu précaution Ingresu caution Ispagnolu cautela Italianu cautèla Tedescu Vorsicht.

durítu , nm Definitzione genia de dificurtade chi a unu dhi paret de tènnere o de dèpere àere cun àtera persona coment'e timendho de dhi giare istrobbu, de ndhe dhi pàrrere male, unu pagu coment'e bregúngia, fintzes Sinònimos e contràrios duda, durita, duténtzia, dutu / dobidori, trancaillu | ctr. alidantza, atrevimentu, atzilia Frases ndhe tenzo duritu a li pedire cosa, ca bisonzat a isse etotu ◊ de piagheres mi ndhe ant fatu àteros e ndhe apo duritu a los presiare torra! ◊ si as bisonzu, beni, no ndhe apas duritu! ◊ no apo duritu perunu de nàrrere chi…◊ cussos no ant duritu mancu de sas criaduras! Ètimu srd. Tradutziones Frantzesu précaution, hésitation Ingresu qualm, hesitation, care Ispagnolu consideración, sumisión Italianu riguardo, soggezióne, esitazióne, rèmora Tedescu Befangenheit, Hemmung.

«« Torra a chircare