ispumàdu , pps, agt Definitzione de ispumare Sinònimos e contràrios ispinniadu, ispiumadu Tradutziones Frantzesu plumé, déplumé Ingresu plucked Ispagnolu desplumado Italianu spennacchiato Tedescu gerupft.

pínna 1 , nf: pinnia 1, pínnia Definitzione su pilu chi bestit is pigiones, mescamente su chi est a bisura de fògia longhita e lada créschia in sa pedhe de is alas e de sa coa, a cambu grussu e forte in sa parte de s'arraighina, meda prus fine in punta; su ferru ladu chi si ponet a peis de is boes firmau cun is cioos / pinnas maistas = sas prus mannas de s'ala; peta de p. = petza de pilloni; pegos de pinnia = furones Sinònimos e contràrios impinnimenta, pinninnia, pipia 2, piuma Frases petzi sa pinnia mi ammentat sa bolada tua ◊ segacheli sas alas dae fundhu, no li lessas pinnias! ◊ madixedha mia, cantus bias de is alas tuas mi lassasta tantis pinnas! ◊ zuches sos pilos nighedhos che pinna de corbu ◊ sa pinna fini de is pillonis dh'imperant po preni coscinus 2. sàbudu dhus depint interrogai in tribbunali e calincunu dhoi lassat is pínnias 3. is bòis si ferrant a pinna Sambenados e Provèrbios smb: Pinna Terminologia iscientìfica crn Ètimu ltn. pinna Tradutziones Frantzesu plume, plumage Ingresu plumage, feather Ispagnolu pluma, plumaje Italianu pénna, piuma, piumàggio Tedescu Feder, Gefieder.

pínna 3 , nf Definitzione aina po iscríere a manu / partes de sa p.: màniga (sa parte chi serbit po dha pigare in manu), punta (sa parte ue bogat o lassat sa tinta frigandhodha in su paperi, ànima (sa càrriga de sa tinta, segundhu sa genia); genias de pinna: a biro, istilogràfica Maneras de nàrrere csn: passai sa p. = tirai una línia asuba de s'iscritu, fàghere una frigada de pinna; giúchere sas ancas che mànica de p. = finedhedhas; èssiri tocau de p. = iscríere cun facilidade manna su chi unu pentzat Frases sa pinna chi no narat nudha est menzus chi si lasset arrimada! ◊ sa pinna est unu pinzos pretziadu, àteru che sulcadas de aradu! (Cubeddu)◊ a su pipiu dhi at postu Ugu po èssi prus fàcili a iscrí e a tzerriai e arresparmiai pinna e boxi! (G.Tatti) Tradutziones Frantzesu plume, stylo Ingresu pen Ispagnolu pluma, bolígrafo Italianu pénna Tedescu Schreibfeder, Federhalter, Feder.

spinniàu , pps, agt: ispinniadu Definitzione de spinniai; chi no portat pilos, chi che dhi funt essios is pilos Sinònimos e contràrios conchigàdriu, conchispilidu, ispilidu, spilurciu / cdh. spinnitu Tradutziones Frantzesu plumé, pelé Ingresu plucked, bald Ispagnolu desplumado, calvo Italianu spennato, pelato Tedescu gerupft, kahl.

temperèdha , nf Definitzione genia de punta de pinnas po iscríere, fata po l'isciúndhere in sa tinta Sinònimos e contràrios pinnina Frases s'apricatu at rispostu brobbínnesi sa temperedha in sa mesumànica de sa camisa e pariat unu príteru candho àrtziat s'óstia (M.Pira) Ètimu srd. Tradutziones Frantzesu plume Ingresu pen-nib Ispagnolu plumín, plumilla Italianu pennino Tedescu Schreibfeder.

«« Torra a chircare