alàse , nm: alasi, alàsia, alàsiu, olasi Definitzione aràngiu burdu o aresti, genia de linna dereta (ma atrotigada) chi faet a mata fintzes manna, corgiolu birde, fògia ispinosa in is oros (in is cambos prus bàscios o candho est a prantone piticu) e frutighedhu (sa calidade fémina) a pibionedhu tundhu, orrúbiu, a gurdonedhu: faet in montes unu pagu artos / orruos de alasi = sas naes prus bassas de cust'àrbure segadas a ischimadura dae su truncu, manizadas pro fàghere frama meda Sinònimos e contràrios arangiubburdu, banatuli, colóstiu, elatori, golosti, lauspinosu Terminologia iscientìfica mtr, Ilex aquifolium Ètimu srdn. Tradutziones Frantzesu houx commun, laurier piquant Ingresu holly Ispagnolu acebo Italianu agrifòglio Tedescu Stechpalme.

àspidu , agt Definitzione chi tenet sabore forte, pitzigorosu, nau de cosas de papare (píbere, piberone, casu, arraiga); nau de sa cosa a su chi paret a su tocu, chi arrasigat, chi no est lisa / binu à. = arraspiosu de gustu, chi lassat sa língua unu pagu arraspiosa Sinònimos e contràrios pissiosu / aspru | ctr. druce / lísiu Frases custu casu betzu si ch'est fatu àspidu ◊ su piberone ruju, su minudu, est àspidu meda: un'apenas in su mànigu atzivit aira Terminologia iscientìfica sbr Ètimu ltn. asperu + acidus Tradutziones Frantzesu piquant Ingresu spicy Ispagnolu picante Italianu piccante Tedescu pikant.

fertadéru , agt Definitzione chi ferit, chi punghet, chi trapassat Sinònimos e contràrios punghinosu Tradutziones Frantzesu piquant Ingresu prickly Ispagnolu punzante Italianu pungènte, trafittivo Tedescu stechend.

giuncumàsciu , nm: zuncumascru Definitzione giuncu a cambu tundhu, forte, longu longu, bogat su frore unu pagu asuta de sa punta e punghet, faet in logos de venadórgiu, a molas mannas, s'impreat murtu (atrotigau) e irmurtidu po acapiare o àteros trebballos: a logos dhi narant sinniga, tinnia, tzinnia, chi funt fintzes àteras genias de erba chi si assimbígiant Sinònimos e contràrios tinnia Terminologia iscientìfica rba, Juncus acutus Ètimu srd. Tradutziones Frantzesu jonc épineux, j. piquant Ingresu reed Ispagnolu junco espinoso Italianu giunco spinóso o pungènte Tedescu stechende Binse, stachelige Binsensorte.

golósti, golóstiche, golóstise, golóstiu , nm: bolostru, colóstiu, golostri, golostru Definitzione alàsiu, genia de linna tènnera (ma atrotigada de longu) chi faet a mata fintzes manna, corgiolu birde, fògia ispinosa in is oros (in is cambos prus bàscios ebbia o candho est a prantone minore) e (sa mata fémina) frutighedhu tundhu, orrúbiu: faet in montes unu pagu artos Sinònimos e contràrios alase, arangiubburdu, banatuli, elatori, lauspinosu Frases mi aiat frusciadu dae su litighedhu de sos golóstios in risposta a su giuilare meu (N.Falconi) Terminologia iscientìfica mtr, Ilex aquifolium Ètimu srdn. Tradutziones Frantzesu houx, laurier piquant Ingresu holly Ispagnolu acebo Italianu agrifòglio Tedescu Stechpalme, Ilex.

ispinósu , agt: spinosu Definitzione chi giughet ispina, chi est totu ispina, chi punghet Sinònimos e contràrios pungosu, scrispionosu Frases los at chirriatos chin filuérrinu ispinosu ◊ su padente si fachiat issipiu e impiricosu atraessandhe sas àndhalas de sirvone chin ispinosos lovros de teti e ruu (G.Brocca) Ètimu ltn. spinosus Tradutziones Frantzesu piquant, épineux Ingresu thorny Ispagnolu espinoso Italianu spinóso Tedescu dornig.

ispurtidhósu , agt: spurtidhosu Definitzione chi ispirtit, chi pítziat, punghet Sinònimos e contràrios ispurtiolu, pissiosu, pistidhosu, sportinitzu / àspidu Frases suore ispurtidhosu ◊ sunt dies de sole ispurtidhosu 2. custa ravanella est ispurtidhosa ◊ sa chibudha est totu ispurtidhosa Ètimu srd. Tradutziones Frantzesu piquant Ingresu prickly Ispagnolu punzante, mordaz Italianu pungènte, cocènte Tedescu stechend.

pissiósu , agt: pitigosu, pitziosu Definitzione chi pítziat, chi ispirtit (de punghidura, pitigadura, budhidura), o chi est de sabore forte, pitzigorosu (nau de cosas de papare o bufare): si narat fintzes de cosas chi dispraxent, chi dolent Sinònimos e contràrios ispurtidhosu, ispurtiolu, pitzigorosu, pitzulosu / àspidu Frases fint frantos dae su fumu pitigosu ◊ in s'istadi su soli est pitziosu 2. casu martzu pitziosu ◊ gighiat unu coinzolu cun pumatas, melinzanas e una màcia de piberone pitigosu ◊ s'acuardenti est pitziosa 3. est pitziosu e grai su bíviri in logu allenu de istràngiu Ètimu srd. Tradutziones Frantzesu piquant Ingresu thorny, spicy Ispagnolu punzante, cortante, picante Italianu pungènte, piccante Tedescu stechend, scharf, pikant.

pistidhènti , agt Definitzione chi pistidhit, pítziat, nau de cosas chi punghent o de papare chi tenent sabore forte Sinònimos e contràrios piperosu, pissiosu Ètimu srd. Tradutziones Frantzesu piquant, poivré Ingresu peppery Ispagnolu picante Italianu pizzicante, pepato Tedescu scharf, pikant.

potentívu , agt Definitzione forte meda, nau mescamente de cosas po su sabore o s'efetu chi faent papandhodhas (es. aghedu, velenu e àteru) Sinònimos e contràrios folte, potentosu / profetosu Tradutziones Frantzesu fort, piquant Ingresu strong, efficacious Ispagnolu eficaz, fuerte Italianu efficace, fòrte Tedescu wirksam, stark.

punghicósu , agt: punghigosu Definitzione chi punghet, chi est totu ispina Sinònimos e contràrios punciudu, punghijolu, punghinosu, pungosu Frases sa rosa est unu frore punghicosu ◊ sa tiria est punghigosa Ètimu srd. Tradutziones Frantzesu piquant Ingresu thorny Ispagnolu punzante Italianu pungènte Tedescu stechend.

punghinósu , agt Definitzione chi punghet (nau fintzes in sensu metafóricu, chi pítziat, ispirtit) Sinònimos e contràrios punghicosu, punghijolu Frases un'avra punghinosa de bidhighia demozat custa terra catigada Ètimu srd. Tradutziones Frantzesu piquant Ingresu prickly Ispagnolu punzante Italianu pungènte Tedescu stechend.

pungósu , agt Definitzione chi punghet Sinònimos e contràrios ispinosu, punghicosu, punghinosu Frases sunt colados intro de ruos pungosos ◊ azis postu filuverru pungosu in dogni gianna Ètimu srd. Tradutziones Frantzesu piquant, épineux Ingresu thorny Ispagnolu punzante Italianu pungènte, spinóso Tedescu stechend, stachelig.

«« Torra a chircare