nú 1 , agt: nuu 1, nudu 1, nuo, nutu Definitzione chi no portat bestimentu, chi si ndhe at bogau totu su bestimentu, o, nau de cosas, chi no portant pígiu de ammontu; chi est bestiu in poberesa meda, chi no tenet dinare Sinònimos e contràrios spoglitu, spollincu | ctr. bestidu, chintu 1, cuguzadu Maneras de nàrrere csn: a sa nua = sentza de bestimenta; cúrriri unu cuadhu a sa nua = chentza sedha, itl. a bardòsso, a bisdòsso; nudu in pedh'e mama, nudu chei sa zoga = a sa spollada nua, chentza bestimenta nudha, acomenti si nascit; nudu chei sa ’ia = nudu ’eretu, nadu mescamente in su sensu de bestidu pagu, male, in poberesa meda Frases bascitedha e fungura, no isbélias mancu nua! ◊ fint pitzinnos famidos e nudos chei sa rughe ◊ che li est rutu su cuguzu de su letu e fit nudu ◊ semus nudos: petzi tenimus robba betza a nos pònnere! ◊ unu filu de currente nudu est perigulosu ◊ in iscola dhos poniant addoraos a benugos nuos in terra ◊ bi at piciocas chi andhant a culu nú! 2. totu cussas ispesas nos ant lassadu nudos che sa bia Ètimu ltn. nudus Tradutziones Frantzesu nu Ingresu naked Ispagnolu desnudo Italianu nudo Tedescu nackt.

spoglítu , agt: spollitu Definitzione ispollincu nudu, chentza bestimentu in pitzu / a sa spollita = a sa nuda, nudos Sinònimos e contràrios ispógiu, nudu, spollau, spollincu | ctr. bestidu, chintu 1 Ètimu srd. Tradutziones Frantzesu nu Ingresu undressed Ispagnolu desnudo Italianu spogliato Tedescu entkleidet.

spollíncu , agt: ispollincu, spullincu Definitzione nau de ccn., chi est chentza bestimentu in dossu, ma fintzes chi tenet pagu cosa a bestire / s. nudu = in pedh'e mama, chentza bestimentu nudha Sinònimos e contràrios nudu, spoglitu | ctr. bestiu, chintu 1 Frases est cun su bistiri de Adamu: spollincu nudu! ◊ is minadoris trabballànt giai spollincus nudus, sudaus coment'e béstias e respirendu frussiera Ètimu srd. Tradutziones Frantzesu nu Ingresu undressed Ispagnolu desnudo Italianu svestito, nudo Tedescu entblößt, nackt.

«« Torra a chircare