Ditzionàriu in línia
de sa limba e de sa cultura sarda

babballóti, babballótu , nm: babbaloci, babbaloti, babbalotu, babbilloti, bibbilloti, bobbolloti Definitzione css. genia de animaledhu pitichedhu, bobboi; a logos, genia de cunfrade chi in chida santa si bestit de àbbidu biancu e fintzes mascarau / b. arrumbulutzu = aperigúngia; babballotedhu de mari = zenia de animaledhu croxudu Sinònimos e contràrios arresia, babbarrotzi, babbaúciu, babbaudhu, babboi, cerpiu, terpusu Frases su frori donat a papai a su babballoti e custu passat de frori in frori po donai una vida noa ◊ babballoti babballoti, cudhu chi andat a su noti… cudhu chi andat a dedí… babballoti cuadí! ◊ abis, espis, musca funt babballotis ◊ custu est un’enimigu de s’inferru, o unu bibbilloti? (Cappai) Sambenados e Provèrbios prb: a cufromma a s'istampu su babballoti Ètimu srd. Tradutziones Frantzesu insecte Ingresu insect Ispagnolu bicho Italianu insètto Tedescu Insekt.

babbaúciu , nm: babbautu, babbautzu, pabautzu Definitzione css. genia de animaledhu minudu, pitichedhu; unu pagu a disprétziu o a brulla si narat a is piciochedhos piticos puru / babbautzu de santu Giuanne = babbajola Sinònimos e contràrios arrabbiu, arresia, babballoti, babbaudhu, babboi, bubburrincu, cerpiu, errebbígiu, murruscone, pespereghe, terpusu Frases a sa fae li est postu su babbautzu niedhu e no bi at fatu ◊ sas puntas modhes de s'àrbure sunt totu prenas de babbautzu ◊ bi ndh'at timerosos chi timent fintzas sos babbautzos! ◊ sa puntura de unu babbautzu che li at ufradu sa manu 2. essimichelu deretu cussu babbautzu, chi no lu cherzo a cumandhu cun megus! Ètimu srd. Tradutziones Frantzesu insecte Ingresu insect Ispagnolu bicho Italianu insètto Tedescu Insekt.

bubburríncu , nm Definitzione css. bobboi pitichedhu Sinònimos e contràrios babbaúciu, cerpiu Tradutziones Frantzesu insecte parasite Ingresu parasite Ispagnolu insecto parásito Italianu insètto parassita Tedescu Ungeziefer.

cerpíu , nm: serpia, telpia, tzarpia Definitzione dónnia e css. bobboi; foedhandho cun tzacu, piciochedhu piticu ifadosu, malu Sinònimos e contràrios arrabbiu, arresia, babballoti, babbaúciu, babbaudhu, babboi, bebberriu, bubburrincu, pespereghe, terpusu, tirpiuzu, titupiu 2. ma càstia custu cerpiu ita mi at fatu! Ètimu srd. Tradutziones Frantzesu insecte Ingresu insect Ispagnolu bicho Italianu insètto Tedescu Insekt.

errebíu , nm: arrabbiu*, erribiu, irribbiu Definitzione dónnia genia de bobboi chi faet dannu; nau fintzes de piciochedhu maliocu Sinònimos e contràrios babbaúciu, babboi, cerpiu, errebbígiu Frases cantant sas feras, apedhant sos canes, mummúchiat cada casta de errebios ◊ como tzàculo tra pischinas e ludraos in mesu de ischifosos erribios Tradutziones Frantzesu bête monstrueuse, insecte Ingresu insect, monster Ispagnolu bicho dañoso Italianu béstia mostruósa, insètto Tedescu Scheusal, Insekt.