arrabbiadítu , agt Definitzione chi coitat a si arrennegare, chi costumat a si arrennegare po nudha, po dónnia cositedha Sinònimos e contràrios alteriosu, airósigu, airosu, arrabbiete, arrennegaditu, inchietosu, sutzuliu, tràchidhu, tzacosu / cdh. arrabbiànciulu, futaritzu | ctr. pascenscile Frases ant fatu sa búglia a un'antzianu arrabbiaditu Terminologia iscientìfica ntl Ètimu srd. Tradutziones Frantzesu coléreux, irascible Ingresu irascible Ispagnolu enfadadizo Italianu collèrico, iroso, irascìbile Tedescu jähzornig, zornig, reizbar.

arrennegósu , agt: rennegosu Definitzione chi costumat a si arrennegare meda Sinònimos e contràrios alteriosu, arrabbiaditu, arrennegaditu, inchietosu | ctr. pachiosu, pascenscile Frases sa maista fiat arrennegosa, balla! ◊ ugiat is ogus che unu macitu aresti: no dha creia gasi arrennegosa! Terminologia iscientìfica ntl Ètimu srd. Tradutziones Frantzesu coléreux Ingresu hot-tempered Ispagnolu colérico Italianu collèrico Tedescu jähzornig.

infelíu , agt Definitzione chi ndhe dhi pigat fele meda, dhi faet tzacu, si arrennegat meda Sinònimos e contràrios alteriosu, arrabbiosu, arrenignosu, bischiliosu, bizarrosu, croconosu, felorosu, imbischigliau, stacosu, sutzuliu Frases no sias infelia e sighi su bonu pentzamentu! Ètimu srd. Tradutziones Frantzesu coléreux Ingresu hot-tempered Ispagnolu colérico Italianu collèrico Tedescu jähzornig.

«« Torra a chircare