Ditzionàriu in línia
de sa limba e de sa cultura sarda

bajócu , agt: bajoncu Definitzione chi est a una lúmina, a un'ogu (e a logos fintzes lértzinu, a ogos trotos) Sinònimos e contràrios bisogru, cadrogu, mancioglu Frases si no mi creis, intzandus ses surdu e bajocu! ◊ e ita ses, istronada o bajoca: no dhu bis ca no nc'est nisciunus?! Sambenados e Provèrbios smb: Baioccu Tradutziones Frantzesu borgne Ingresu one-eyed Ispagnolu tuerto Italianu monòcolo Tedescu einäugig.

bisógru, bisógu, bisóju , agt, nm Definitzione chi est a una lúmina, a un'ogu; tzurpu e istramu Sinònimos e contràrios bajocu, cadrogu, mancioglu / làmpinu Frases no dhu bit chi est giai pesau, o bisogu est, fatu a dotori?! Ètimu spn. bisojo Tradutziones Frantzesu borgne Ingresu monocle Ispagnolu tuerto Italianu monòcolo Tedescu einäugig, Einäugige.

cadrógu , agt, nm: cardogu, cordogu, crodocu Definitzione chi est a una lúmina, a un'ogu; tzurpu e istramu / allirgu che cuadhu c. = pagu puru!…, allegru própiu nudha Sinònimos e contràrios bajocu, bisogru, mancioglu Frases fillu solu, est tzurpu o est cardogu ◊ ia a bolli isciri ita at iscritu cussu cordogu de dotori! ◊ seu che cadrogu chi bandat aprapendu Tradutziones Frantzesu borgne Ingresu monocle Ispagnolu monóculo Italianu monòcolo Tedescu einäugig, Einäugige.