calabríghe, calàbriche, calàbrigu , nm: calarighe, calàvriche, calàvrige, calàvrighe, caràlighe Definitzione genia de linna ispinosa meda chi faet a matighedha manna, bogat frorighedhos biancos e unu frutighedhu tundhu orrúbiu (orruàlixi) Sinònimos e contràrios calàbriu, calarígiu, coàrviu, tràficu 1 / cdh. cacaedhu Frases cantamus su lizu solitàriu, su calàbriche in festa, sa bella murichessa ◊ sos nuscos delicaos de sos calàbriches in beranu acasazant sa natura ◊ calàbriche e pirastru ndhe ponent in cesuras a cunzare Terminologia iscientìfica mt, Crataegus monogyna Ètimu ltn. calabrice(m), calabricus Tradutziones Frantzesu aubépine Ingresu hawthorn Ispagnolu espino albar, espino blanco, marjoleto Italianu biancospino Tedescu Weißdorn.

coàrviu , nm: coàvigu, colàrvigu, colàvigu, coràrbiu, corarbu, coràvigu, coràviu, cuàrvigu Definitzione genia de linna, mata ispinosa (faet a tupa) chi bogat frutu a bisura de birilla tundha tundha (orruàlixi), de sa mannària de sa prunischedha, ma in colore de aràngiu, bona fintzes a papare Sinònimos e contràrios calàbriche*, calàbriu / cdh. cacaedhu Frases sa costera s'inflorit de colàvigu e méndhula Terminologia iscientìfica mt, Crataegus monogyna Tradutziones Frantzesu aubépine Ingresu hawthorn Ispagnolu marjoleto, espinablo Italianu biancospino Tedescu Weißdorn.

«« Torra a chircare